Հայերը նախընտրում են «Եվրատեսիլ 2012» մրցույթին ուղարկել Ղարաբաղում ծնված արտիստի. հարցում

ԵՐԵՎԱՆ, 24 հունվարի. /ԱՌԿԱ/. Facebook-ի հայ այցելուների մեծ մասը նախընտրում է մայիսին Բաքվում կայանալիք «Եվրատեսիլ 2012»-ի երգի միջազգային մրցույթի բեմում որպես Հայաստանի ներկայացուցիչ տեսնել ծագումով ղարաբաղցի արտիստի, այսպիսին են Facebook սոցիալական կայքում «Նովոստի-Արմենիա» գործակալության էջում անցկացված առցանց հարցման արդյունքները:

Այսպես, առավելագույն թվով ձայներ է հավաքել (60 ձայն) Արցախի զինվորական նվագախումբը, ևս չորս մարդ քվեարկել է Tim De Beatz ղարաբաղցի արտիստի օգտին, իսկ մեկ մարդ չի նշել կոնկրետ թեկնածուի անուն՝ ընդգծելով, որ նա պետք է Ղարաբաղից լինի:

Հարցվածների նախապատվության ցուցակի երկրորդ տեղում է Dorians ռոք-խումբը, որի օգտին քվեարկել է 56 այցելու:

Միաժամանակ 26 մարդ կարծում է, որ Հայաստանն ընդհանրապես չպետք է մասնակցի այս մրցույթին:

Առաջարկվող տարբերակներից նշվում են նաև System of a Down աշխարհահռչակ ամերիկյան ռոք-խումբը (19 ձայն), որը բաղկացած է էթնիկ հայերից, երգչուհի Սոնա Շահգելդյանը (12 ձայն), ռեգգի ոճում հանդես եկող «Ռեինկառնացիա» խումբը (7 ձայն), երգչուհի Սիրուշոն (7 ձայն) և երգիչ Արամեն (1 ձայն):

Մնացած այցելուների համար սկզբունքային չէ, թե ով կներկայացնի Հայաստանը մրցույթի ժամանակ: Այսպես, 15 մարդ պատասխանել է, որ նրանք անտարբեր են, ևս երկուսը բացարձակ անհետաքրքրություն են արտահայտել, չորս մարդ առաջարկում է ինքն իրեն՝ որպես մրցույթի մասնակից, հարցման 34 մասնակից աջակցում է ամերիկացի դերասան Չակ Նորիսի թեկնածությանը:

Հատկանշական է, որ հարցվածները նշել են նաև աշխարհահռչակ երգիչ Բռունո Մարսի և ՀՀ ԱԺ պատգամավոր Գալուստ Սահակյանի անունը (մեկական ձայն):

Հունվարի 17-24-ն անցկացվող հարցմանը մասնակցել է 280 մարդ:

 «Եվրատեսիլում» հայկական պատվիրակության ղեկավար Գոհար Գասպարյանը նախորդ երեքշաբթի տեղեկացրել էր, որ Հայաստանը մրցույթի մասնակցության հայտ է ներկայացնել, սակայն երկրի կոնկրետ ներկայացուցչի հարցը կորոշվի ավելի ուշ:

Հայկական կողմն իր պատվիրակության անվտանգության լուրջ երաշխիքներ էր սպասում ոչ միայն ընդունող երկրի, այլև Եվրոպական հեռարձակողների միության, միջազգային այլ կազմակերպությունների կողմից, որոնք պատասխանատու են 2012թ.-ի մայիսին Բաքվում կայանալիք Եվրատեսիլի անցկացման համար:

Բաքուն «Եվրատեսիլ 2012» մրցույթը կազմակերպելու իրավունք է ստացել 2011 թ.-ին Դյուսելդորֆում կայացած մրցույթի ժամանակ Նիկկի (Նիգյար Ջամալ) և Էլլա (Էլդար Քասիմով) ադրբեջանական դուետի հաղթանակի շնորհիվ:-0- 

17:04 24.01.2012





 

« Դեկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×