Ericsson ընկերությունը Հայաստանը դիտարկում է որպես պոտենցիալ գործընկեր` հեռահաղորդակցությունների զարգացման համատեքստում
ԵՐԵՎԱՆ, 21 հոկտեմբերի. /ԱՌԿԱ/. Ericsson ընկերությունը Հայաստանը դիտարկում է որպես պոտենցիալ գործընկեր` հեռահաղորդակցությունների զարգացման տեսակետից, երեքշաբթի Երևանում լրագրողներին ասաց Հյուսիսային Եվրոպայի և Կենտրոնական Ասիայի տարածաշրջանում Ericsson ընկերության նախագահ Շառլոտա Սունդը (Charlotta Sund):
«Մենք Հայաստանը գնահատում ենք որպես բավականին լուրջ և հզոր գործընկեր տեղեկատվական տեխնոլոգիաների ոլորտում, հայկական շուկան արդեն կարելի է զարգացած էլեկտրոնային հասարակություն համարել», - ասաց Սունդը:
Նրա խոսքով՝ հեռահաղորդակցությունների զարգացման տեսակետից Հայաստանն այնքան զարգացած է, որ դարձել է Ericsson ընկերության լիիրավ գործընկերը:
«Մենք Հայաստանը դիտարկում ենք որպես պոտենցիալ և ուժեղ գործընկեր հեռահաղորդակցությունների զարգացման տեսակետից, առավել ևս, որ Հայաստանում տեխնոլոգիաները զարգանում են առաջանցիկ տեմպերով», - ասաց Սունդը:-0
Ծանոթացեք լուրերին առաջինն ու քննարկեք դրանք մեր Telegram-ում
17:03 21.10.2014
