MICROSOFT-Ը ՓՈՐՁԱՐԿՈՒՄ Է ԿԱՊԻ ՆՈՐ ԾԱՌԱՅՈՒԹՅՈՒՆ ԱԻ ԺԱՄԱՆԱԿ
ԵՐԵՎԱՆ, 29 ապրիլի. /ԱՌԿԱ/. Microsoft ընկերությունը սկսել է փորձարկել Microsoft Vine կոչվող իր նոր ծառայությունը, որը նախատեսված է այն մարդկանց համար, ովքեր արտակարգ իրավիճակների ժամանակ ցանկանում են կապվել միմյանց հետ, հաղորդում է СNews.ru-ն։
Այսօրվա դրությամբ ծառայությունը թողարկված է անհատական բետա-տարբերակի կարգավիճակով։ Դրա մշակումը սկսվել էր մեկուկես տարի առաջ, հայտնում է TechCrunch-ը։
Microsoft-ի ներկայացուցիչների խոսքերով, Vine-ը օգտվողներին միմյանց հետ կապվելու հնարավորություն է տալիս, երբ հաղորդակցության մյուս ձևերը փչացած են կամ անհասանելի։
Vine-ից օգտվել կարելի է «սեղանի հաճախորդի» միջոցով, ինչպես նաև SMS և էլեկտրոնային փոստի միջոցով։ -0-
Ծանոթացեք լուրերին առաջինն ու քննարկեք դրանք մեր Telegram-ում
21:53 29.04.2009
