Հայկական տեխնոլոգիաների ArmTech երրորդ գլոբալ կոնգրեսը կանցկացվի նոյեմբերին ԱՄՆ սիլիկոնային հովտում

ԵՐԵՎԱՆ, 25 մայիսի. /ԱՌԿԱ/. Հայկական տեխնոլոգիաների ArmTech երրորդ գլոբալ կոնգրեսը տեղի կունենա նոյեմբերին ԱՄՆ սիլիկոնային հովտում։

Այս մասին երկուշաբթի լրագրողներին հայտնել է Զարգացման հայկական գործակալության տնօրեն Ռոբերտ Հարությունյանը։ 

Նա հայտնեց, որ ըստ նախնական տվյալների՝ կոնգրեսին կմասնակցի հայաստանյան ավելի քան 30 ընկերություն:

«ArmTech-ը մեր ընկերությունների ներուժն ու արտադրանքը ներկայացնելու  հիանալի հնարավորություն է»,- նշեց Հարությունյանը։ Նրա խոսքերով՝ նախորդ կոնգրեսները ցույց են տվել, որ ՏՏ ոլորտի հայկական արտադրանքը հետաքրքրություն և լուրջ մրցակցություն է ներկայացնում միջազգային շուկայում։

«ArmTech Congress-08» բարձր տեխնոլոգիաների երկրորդ կոնգրես-ցուցահանդեսը տեղի ունեցավ Երևանում հոկտեմբերի 4-5-ին։ Կոնգրեսին մասնակցել է ԱՄՆ-ի, Ռուսաստանի, Ֆրանսիայի, եվրոպական այլ երկրների բազմաթիվ ընկերությունների 250 ներկայացուցիչ։

ArmTech առաջին կոնգրեսն անցկացվել է 2007 թ.-ի հուլիսի 4-7-ը Սան Ֆրանցիսկոյում։ Կոնգրեսին մասնակցել է աշխարհի շատ երկրների ավելի քան 350 ներկայացուցիչ։ Հայաստանը ներկայացրել են 60 գործարարներ և 11 գործարար ու կրթական կազմակերպություններ։-0-  

Ծանոթացեք լուրերին առաջինն ու քննարկեք դրանք մեր Telegram-ում

20:28 25.05.2009