ՄԱՄՈՒԼՈՒՄ ՏԵՂԵԿԱՏՎԱԿԱՆ, ՀԵՌԱՀԱՂՈՐԴԱԿՑԱԿԱՆ ԵՎ ԲԱՐՁՐ ՏԵԽՆՈԼՈԳԻԱՆԵՐԻ ՈԼՈՐՏՆԵՐԻ ՀԱՐՑԵՐԻ ԼԱՎԱԳՈՒՅՆ ԼՈՒՍԱԲԱՆՄԱՆ ՄՐՑՈՒՅԹ՝ ՀԱՅԱՍՏԱՆՈՒՄ
ԵՐԵՎԱՆ, 24 օգոստոսի. /ԱՌԿԱ/. Ինֆորմացիոն տեղեկատվական ձեռնարկությունների միությունը (UITE) Հայաստանում «ԶԼՄ-ներում տեղեկատվական-հեռահաղորդակցական և բարձր տեխնոլոգիաների ոլորտի լուսաբանման» մրցույթ է հայտարարում:
«Ինչպես «Նովոստի-Արմենիա» գործակալությանը հայտնեցին UITE-ում, Մրցույթի նպատակներն են խթանել Հայաստանի Տեղեկատվական Հեռահաղորդակցության Տեխնոլոգիաների ոլորտի զարգացումը, բարձրացնել հասարակության իրազեկությունը ոլորտի զարգացումների մասին, հզորացնել ՏՀՏ թեմատիկայով ստեղծագործող լրագրողների հմտությունները:
Մրցույթը կանցկացվի 9 անվանակարգում «Լավագույն հոդված», «Լավագույն հարցազրույց» «Լավագույն ռադիոռեպորտաժ», «Լավագույն հեռուստառեպորտաժ», «Լավագույն ռադիոհաղորդում», «Լավագույն հեռուստահաղորդում», «Լավագույն Ֆոտոլուր/ ֆոտոռեպորտաժ», «Լավագույն ֆելյետոն/պամֆլետ», «DigiTec Expo 2009 լավագույն լուսաբանում»:
Մեկից ութերորդ անվանակարգերով մրցույթին մասնակցելու համար ներկայացվող նյութերը պետք է հրապարակված/հեռարձակված լինեն 2009 թվականի հուվարի 1-ից մինչ 2009 թվականի դեկտեմբերի 1-ը ներառյալ ժամանակահատվածում: Ներկայացնելու վերջնաժամկետը դեկտեմբերի 15-ն է:
Իններորդ անվանակարգով ներկայացվող նյութերը պետք է հրապարակված/հեռարձակված լինեն 2009 թվականի հուվարի 1-ից մինչ 2009 թվականի սեպտեմբերի 31-ը: Ներկայացնելու վերջնաժամկետն է հոկտեմբերի 2-ը:-0-
Ծանոթացեք լուրերին առաջինն ու քննարկեք դրանք մեր Telegram-ում
00:06 25.08.2009