ICON COMMUNICATIONS-Ը ԾՐԱԳՐՈՒՄ Է ՄԻՆՉ ՏԱՐԵՎԵՐՋ ԿԱՌՈՒՑԵԼ ԵՎՍ 32 ԲԱԶԱՅԻՆ ԿԱՅԱՆ

ԵՐԵՎԱՆ, 1 հոկտեմբերի. /ԱՌԿԱ/. ICON Communications-ը ծրագրում է մինչ տարեվերջ կառուցել ևս 32 բազային կայան՝ WiMAX ցանցը ողջ Երևանի համար հասանելի դարձնելու նպատակով, չորեքշաբթի լրագրողներին է տեղեկացրել ICON Communications-ի կոմերցիոն տնօրեն Րաֆֆի Քասարջյանը:

«Մայրաքաղաքում ցանցի լիարժեք ծածկույթի համար, մեր հաշվարկների համաձայն, անհրաժեշտ է տեղադրել 70 բազային կայան, որոնցից 38-ն արդեն տեղադրված են», - ասել է Քասարջյանը՝ պատասխանելով «ԱՌԿԱ» գործակալության հարցին:
Նրա խոսքերով, ակնկալվում է, որ 2009թ.-ի վերջին շաբաթների ընթացքում մայրաքաղաքն ամբողջովին կապահովվի WiMAX ցանցի ծածկույթով:

ICON Communications ընկերությունը անլար Ինտերնետ-հաղորդակցությունների պրովայդեր է և Հայաստանում հիմնվել է 2007թ. վերջին։ 2008 թ.-ին ընկերության հիմնական բաժնետեր դարձավ միջազգային VTEL Holdings (Դուբայ) կորպորացիան։ Բաժնետերերի գործնական մասնակցությունը չի հրապարակվում։

ICON Communications ընկերությունը 10 մլն դոլար է ներդրել Հայաստանում WiMAX  ցանցի ստեղծման նպատակով, մինչև 2009 թվականի ավարտը ընկերությունը նախատեսում է Հայաստանում սեփական ցանցի զարգացման համար ներդնել ևս 5 մլն դոլար։-0-

Ծանոթացեք լուրերին առաջինն ու քննարկեք դրանք մեր Telegram-ում

17:10 01.10.2009