ԲԼՈԳԻ ՀԱՅԿԱԿԱՆ ՈԼՈՐՏԸ ՈԳԵՎՈՐՎԱԾ Է ՎԱՐՉԱՊԵՏՒ ԲԼՈԳՈՎ

^{ԵՐԵՎԱՆ, 20 հունվարի. /ԱՌԿԱ/. Հայկական բլոգային ոլորտը ոգևորությամբ է ընդունել ՀՀ վարչապետ Տիգրան Սարգսյանի կողմից «Live Journal»-ում սեփական բլոգի ստեղծումը: Թեև բլոգում դեռ միայն մեկ գրառում է, որում վարչապետը բացատրում է իր բլոգի ստեղծման նպատակները, սակայն մեկ օրվա ընթացքում բլոգերները 150 մեկնաբանություն են թողել:}

^{Մեկնաբանությունների մեծամասնությունը Տիգրան Սարգսյանին ուղղված ողջույնքի խոսքերն են, հույսեր, որ նրա բլոգը ավելի երկար կյանք կունենա, քան ՀՀ նախագահ Սերժ Սարգսյանի բլոգը:}

^{Սակայն ինտերնետից օգտվողների շրջանում որոշ վեճեր է առաջացրել հարցն այն մասին, թե վարչապետն ի՞նքն է վարելու իր բլոգը, թե՞ նրա փոխարեն դա անելու է հասարակայնության հետ կապերի վարչությունը, սակայն նման բլոգի ստեղծումը, բլոգերների կարծիքով, արժանի է հարգանքի և հավանության:}

^{Բացի ողջույնի խոսքերից վարչապետին հարցեր են ուղղվել կառավարության գործողությունների վերաբերյալ, մասնավորապես՝ փոքր և միջին բիզնեսին աջակցելու, ինտերնետի որակի բարելավման, դրա արժեքի նվազեցման վերաբերյալ:}

^{Բլոգերներն իրենց դժգոհությունն են հայտնել ՀՀ Պետեկամուտների կոմիտեի գործեության վերաբերյալ, նրանք կոչ են արել Տիգրան Սարգսյանին հատուկ ուշադրություն դարձնել կոմիտեի գործունեությանը:}

^{Հայաստանի վարչապետ Տիգրան Սարգսյանը բացել է իր բլոգը՝ http://tigransargsyan.livejournal.com հասցեով:}

^{Դեռևս բլոգում տեղադրված է ընդամենը մեկ գրություն, որն արվել է վարչապետի կողմից հունվարի 14-ին ուշ երեկոյան: Այդ գրառման մեջ վարչապետը, մասնավորապես, նշում է բնակչության հետ անմիջական շփման կարևորությունը:}

^{ՀՀ վարչապետը դարձել է երկրորդ քաղաքական ու պետական գործիչը, ով ինտերնետում իր բլոգն է ստեղծել:
«Live Journal»-ում բլոգ ուներ ՀՀ նախագահ Սերժ Սարգսյանը, ով բլոգ էր ստեղծել նախընտրական արշավի ժամանակ, սակայն այս պահին այն չի գործում: -0-}

Ծանոթացեք լուրերին առաջինն ու քննարկեք դրանք մեր Telegram-ում

19:50 20.01.2010