ԲԺՇԿԱԿԱՆ ՏՈՒՐԻԶՄԻ ԱՌԱՋԻՆ ՎԻՐՏՈՒԱԼ ՑՈՒՑԱՀԱՆԴԵՍԸ ՏԵՂԻ ԿՈՒՆԵՆԱ 2011Թ.-Ի ՓԵՏՐՎԱՐԻՆ

ԵՐԵՎԱՆ, 16 սեպտեմեբերի. /ԱՌԿԱ/. Ողջ աշխարհի բժշկական տուրիզմի արդյունաբերության ներկայացուցիչները (հիվանդանոցներ, բժիշկներ, բժշկական տուրիզմի գործակալություններ, կոորդինատորներ, ապահովագրական ընկերություններ) կհանդիպեն Health Choices (IHC) Expo օնլայն ցուցահանդեսի ժամանակ, որը տեղի կունենա 2011թ.-ի փետրվարի 4-6-ը, հաղորդում է «ՌԻԱ Նովոստին»՝ հղում անելով medvoyage.info պորտալին:

«Մեր ցուցահանդեսը բժշկական տուրիզմի զարգացման հաջորդ մակարդակն է, որն աշխարհի շատ երկրների հիվանդներին հնարավորություն է տալիս վիրտուալ տարածության մեջ ծանոթանալ գլոբալ առողջապահությանը»,- հայտնեց ցուցահանդեսի կազմակերպիչներից մեկը՝ Ջուլիա Մունրոն:

Երեք օրվա ընթացքում պոտենցիալ օգտվողները և բժշկական պրովայդերները կարող են «գտնել միմյանց»: Ցուցահանդեսը բժշկական տուրիզմի բոլոր մասնակիցներին համախմբող բազմալեզու 3D վիրտուալ հարթակ կդառնա: Այն   հնարավոր կլինի անվճար այցելել տան համակարգչից: Աշխարհի 30 երկրներից 150 մասնակից է ակնկալվում:

Բժշկական տուրիզմի՝ պարբերաբար անցկացվող համաժողովները, որպես կանոն, մեծ քանակությամբ բժշկական զբոսաշրջիկներ չի գրավում: Բժշկական պրովայդերների համար մասնակցության արժեքը նույնպես ոչ միշտ է արդարացնում արդյունքը: Վիրտուալ ցուցահանդեսը կփորձի լուծել այդ խնդիրները: -0-

Ծանոթացեք լուրերին առաջինն ու քննարկեք դրանք մեր Telegram-ում

22:46 16.09.2010