6000 կայքերում հակահայկական կարգախոսներ տեղադրած թուրք հակերները PR են արել Հայոց ցեղասպանությունը. փորձագետ
ԵՐԵՎԱՆ, 3 փետրվարի. /ԱՌԿԱ/. Ավելի քան 6 հազար կայք կոտրած և դրանցում հակահայկական կարգախոսներ տեղադրած թուրքական հակերային խումբ ավելի շատ է PR արել Հայոց ցեղասպանությունն է, կարծում է տեղեկատվական անվտանգության փորձագետ Տիգրան Քոչարյանը:
Թուրքական «1923Turk» հակերական խումբը կոտրել է ավելի քան 6 հազար կայք՝ տեղադրելով հակահայկական կոչեր, մասնավորապես, «Մի հավատա հայերի ստերին, ամենամեծ ցեղասպանությունը կատարել ես դու՝ Ամերիկա» գրառումը անգլերեն և թուրքերեն լեզուներով:
«Խաղաղ ժամանակներում կայքեր կոտրելը սովորական խուլիգանություն է։ Դրանով նրանք ավելի շատ են ուժեղացնում հակառակորդին և նրան առավելի շատ օգուտ են բերում։ Օտարականը, ում կայքը կոտրել են, ակամա մեր ընկերն է դառնում»,-ասաց Քոչարյանը։
«Սմարթ-տեխ» ընկերության անվտանգության գծով փոխտնօրեն Ռուբեն Մուրադյանն իր հերթին ընդգծեց, որ 6157 թիվը (կոտրած կայքերի թիվը - «ԱՌԿԱ»), որի մասին հայտնում է «1923Turk» խումբը, վստահություն չի ներշնչում, և անհասկանալի է՝ ինչ սկզբունքով են դրանք ընտրվել կոտրելու համար, ինչ առնչություն են ունեցել Ցեղասպանության հետ։
«Նրանց գործողությունը քաղաքական մեսիջ է ունեցել, սակայն այն իր նպատակին չի ծառայել։ Եթե նրանք կոտրել են կայքը և գրել, որ «Հայոց ցեղասպանություն չի եղել», դրանից Ցեղասպանությունը չի բացառել փաստ լինելուց, ընդհակառակը, դրա մասին ավելի շատ մարդ է իմացել, մասանվորապես՝ կոտրած կայքերի տերերը։ Կարծում եմ, մենք պետք է առավել ակտիվ լինենք և սկսենք աշխատել այդ մարդկանց հետ»,- ասաց Մուրադյանը։
Նա ընդգծեց, որ «հակազդեցության» կամ «արժանի պատժի» մասին խոսելիս անհրաժեշտ է հիշեց, որ կայքեր կոտրելը քրեական հանցագործություն է։
Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-
Ծանոթացեք լուրերին առաջինն ու քննարկեք դրանք մեր Telegram-ում
21:01 03.02.2011
