Hayland.am սոցիալական ցանցն առաջին անգամ Հայաստանում վիդեո-չատ է գործարկել կայքում
ԵՐԵՎԱՆ, 18 մայիսի. /ԱՌԿԱ/. Hayland.am սոցիալական ցանցն առաջին անգամ Հայաստանում իր ձևաչափով բացառիկ ներդիր՝ վիդեո-չատ է գործարկել կայքում, հաղորդում է ընկերության մամուլի ծառայությունը։
«Տվյալ ծրագիրը թույլ է տալիս ցանցի գրանցված օգտվողներին շփվել վիդեո կամ աուդիո զանգերի միջոցով (կախված վեբ-տեսախցիկի առկայությունից): Ծառայությունը ունի կարգավորումների և զրուցակիցների դասակարգման ճկուն համակարգ, որ թույլ է տալիս ֆիլտրել ընկերներից, բարեկամներից և անծանոթ օգտվողներից ստացված զանգերը»,- ասվում է հաղորդագրությունում։
Չնայած, որ ծրագիրը չունի նմանակ այլ մեծ սոց-ցանցերում, Hayland.am-ի թիմը համոզված է, որ այն հաջողակ կլինի, քանի որ կայքից օգտվողները սփռված են ամբողջ աշխարհով և նրանց անշուշտ կհետաքրքրի արտասահմանում բնակվող ընկերների և բարեկամների հետ շփման հնարավորությունը:
«Նմանօրինակ ծրագրերը լայնորեն օգտագործվում են միջերկրյա շփման համար, և Hayland-ի վիդեոչատի ստեղծողները համոզված են, որ ծառայությունը ոչ միայն կստեղծի շփման նոր ֆորմատ կայքում, բայց նաև կդառնա հարմար հարթակ հայոց լեզվի, գրականության, պատմության և այլ օնլայն դասընթացների կազմակերպման համար»,- նշվում է հաղորդագրությունում։
Ծառայությունը տրամադրվում է անվճար Hayland.am-ի բոլոր գրանցված օգտվողներին:
Hayland.am հայկական սոցիալական ցանցը ստեղծվել է 2008 թվականին և ներկայում ունի ավելի քան 125 000 գրանցված օգտագործողներ։ -0-
Ծանոթացեք լուրերին առաջինն ու քննարկեք դրանք մեր Telegram-ում
21:32 18.05.2011