ՀԱՅԿԱԿԱՆ ՏՏ ԸՆԿԵՐՈՒԹՅՈՒՆՆԵՐԸ ՄԻ ՇԱՐՔ ՄՐՑԱՆԱԿՆԵՐԻ ԵՆ ԱՐԺԱՆԱՑԵԼ ԹԲԻԼԻՍԻՈՒՄ ԿԱՅԱՑԱԾ GITI ՏԱՐԱԾԱՇՐՋԱՆԱՅԻՆ ԿՈՆՖԵՐԱՆՍԻ ԺԱՄԱՆԱԿ

ՀԱՅԿԱԿԱՆ ՏՏ ԸՆԿԵՐՈՒԹՅՈՒՆՆԵՐԸ ՄԻ ՇԱՐՔ ՄՐՑԱՆԱԿՆԵՐԻ ԵՆ ԱՐԺԱՆԱՑԵԼ ԹԲԻԼԻՍԻՈՒՄ ԿԱՅԱՑԱԾ GITI ՏԱՐԱԾԱՇՐՋԱՆԱՅԻՆ ԿՈՆՖԵՐԱՆՍԻ ԺԱՄԱՆԱԿ

ԵՐԵՎԱՆ, 23 նոյեմբերի. /ԱՌԿԱ/ Հայկական ընկերությունները GITI կոնֆերանսի Տեղեկատվական տեխնոլոգիաների տարածաշրջանային 4-րդ կոնֆերանսին և մրցանակաբաշխության (GITI-2011) ժամանակ հաղթել են մասնավոր հատվածում լավագույն լուծումների համար 6 անվանակարգերից 3-ում: GITI-2011-ն անցկացվել է Թբիլիսիում նոյեմբերի 17-19-ը, հաղորդում է Ինֆորմացիոն տեխնոլոգիաների ձեռնարկությունների միության (UITE) մամուլի ծառայությունը: 

Մամուլի հաղորդագրության համաձայն՝ «ՍաութԹեք Քընսալտինգ» ընկերության կողմից «Sammit» համակարգը լավագույնն է ճանաչվել «Լավագույն համալիր գործարար լուծում» անվանակարգում, «Սի Էյջ Էս Վերիսել Սերվիս» ընկերությունը՝ «Տարվա լավագույն ծրագրային ապահովում» անվանակարգում, իսկ «Հայկական Ծրագրեր» ընկերության կողմից մշակված «ՀԾ-Հաշվապահ-ՀԾ Բանկ-ՀԾ-ԻնտերնետԲանկ ինտեգրված համակարգեր» ծրագրերը՝ «Լավագույն B2B լուծում» անվանակարգում:
 
Ինչպես նշվում է տեղեկատվության մեջ, ծանր պայքար ընթացավ պետական հատվածի լավագույն լուծումների բաժնում:  Շուրջ 11 լուծումներ էին ներկայացվել «Պետական գործակալությունների կողմից տրամադրվող ամենակիրառելի էլեկտրոնային ծառայությունը» անվանակարգում Վրաստանից, Հայաստանից և Ուկրաինայից: Երկար քննարկումներից և հավակնորդ համակարգերի փորձաքննությունից հետո որոշվեց` Պետական գործակալությունների կողմից ամենակիրառելի ծառայություն ճանաչել ՀՀ Կառավարությանն առընթեր Պետական Եկամուտների Կոմիտեի «Հարկերի կառավարման ինտեգրացված «Հարկատու-3»» համակարգը:  
 
Հայկական պատվիրակությունն այս տարի ևս գլխավորում էր Ինֆորմացիոն տեխնոլոգիաների ձեռնարկությունների միությունը, որը միջոցառման կայացմանն իր բացառիկ ներդրման համար արժանացավ հատուկ մրցանակի` «GITI Բացառիկ Գործընկեր (GITI Distinguished Partner)» խորագրով: 
 
Միջոցառման ընթացքում ձեռք բերվեցին մի շարք պայմանավորվածություններ տարբեր երկրների ներկայացուցիչների հետ: Մասնավորապես, ԻՏՁՄ միջնորդությամբ և USAID/RCI ծրագրի աջակցությամբ  Հայաստանից 1 մասնակից կուղեգրվի Բուլղարիայում գործող Եվրոպական Ծրագրային Ապահովման ինստիտուտի` դեկտեմբերին կայանալիք տեղեկատվական տեխնոլոգիաների ոլորտի CMMI (Capability Maturity Model Integration – Արտադրողականության և հասունության համալիր մոդել, որը գնահատում է ընկերության հասունությունը, որը հիմնված է ընկերության արտադրական, տեխնիկական և կառավարման ներուժի վրա) դասընթացներին մասնակցելու:
 
Թբիլիսիում կայացած միջոցառմանը Հայաստանը ներկայացրել են D-Link ընկերությունը, «Նորք», «Սի Էյջ Էս Վերիսել Սերվիս», «Xinect», «Լայմ Տեխ»,  «ՍաութԹեք Քընսալտինգ», «Essential Solutions», «Նորմա-պլյուս» ընկերությունները, ինչպես նաև ՀՀ պետեկամուտների կոմիտեի պատվիրակությունը:

Տեղեկատվական տեխնոլոգիաների տարածաշրջանային 4-րդ կոնֆերանսի (GITI-2011) նպատակն է խթանել համագործակցությունը Կենտրոնական Եվրոպայի, Բալթյան երկրների, Կովկասի և Միջին Արևելքի մասնավոր հատվածների, ՏՏ ընկերությունների և ՏՏ ասոցիացիաների միջև:-0- 

18:42 23.11.2011





 

« Հոկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×