«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԱՋԱԿՑՈՒԹՅԱՄԲ ՏԱՎՈՒՇԻ ՄԱՐԶԻ ԳՅՈՒՂԱԿԱՆ ԴՊՐՈՑՆԵՐԻՑ ՄԵԿՈՒՄ ՀԱՄԱԿԱՐԳՉԱՅԻՆ ՍԵՆՅԱԿ Է ԲԱՑՎԵԼ

«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԱՋԱԿՑՈՒԹՅԱՄԲ ՏԱՎՈՒՇԻ ՄԱՐԶԻ  ԳՅՈՒՂԱԿԱՆ ԴՊՐՈՑՆԵՐԻՑ ՄԵԿՈՒՄ ՀԱՄԱԿԱՐԳՉԱՅԻՆ ՍԵՆՅԱԿ Է ԲԱՑՎԵԼ

ԵՐԵՎԱՆ, 4 մարտի. /ԱՌԿԱ/. «Հայաստան» համահայկական հիմնադրամի ԱՄՆ Արևելյան ափի տեղական մարմնի հովանավորությամբ Ակնաղբյուր գյուղում բացվել է համակարգչային սենյակ:

Ինչպես չորեքշաբթի «ԱՌԿԱ» գործակալությանը տեղեկացրել են «Հայաստան» հիմնադրամի մամուլի ծառայությունից, ծրագիրն իրականացվել է նյույորքաբնակ Լոուրենթ Պաուլաքի նվիրատվությամբ:

Ծրագրին հատկացված շուրջ 5000 ԱՄՆ դոլարի շրջանակում Ակնաղբյուրի դպրոցը ստացել է 5 համակարգիչ և պատճենահանման սարք, ինչպես նաև համակարգչային սեղաններ և աթոռներ: Ոգևորված դպրոցականներն ու աշխատակիցներն իրենց միջոցներով ու մասնակցությամբ բարեկարգել են համակարգչային դասասենյակը:

«Հուսով եմ` համակարգչային դասերը նոր շունչ կհաղորդեն Ակնաղբյուրի կրթական գործընթացին», - մեջբերվում է «Հայաստան» հիմնադրամի գործադիր տնօրենի պաշտոնակատար Արա Վարդանյանի խոսքը։

Միաժամանակ հիմնադրամի ԱՄՆ Արևելյան ափի տեղական մարմնի հովանավորությամբ հարևան Դիտավան գյուղում իրականացվեց ևս մեկ աջակցության ծրագիր։

«Հայաստան» համահայկական հիմնադրամը ստեղծվել է 1992 թ.-ին՝ ՀՀ նախագահի հրամանով։ Գործունեության 15 տարիների ընթացքում հիմնադրամն իրագործել է Հայաստանի և ԼՂՀ զարգացմանն ուղղված 185 միլիոն դոլարի ծրագրեր։

Հիմնադրամի գործունեությունն ուղղված է Հայաստանի և Լեռնային Ղարաբաղի ենթակառուցվածքների զարգացմանը և բարեգործության խթանմանը։

 «Հայաստան» համահայկական հիմնադրամը «Հեռուստամարաթոն 2008»-ի շրջանակներում հավաքել է մոտ 35 միլիոն դոլար հանգանակություն, ինչը կրկնակի գերազանցում է 2007թ. ցուցանիշը։ -0-

18:07 05.03.2009





 

« Օգոստոս 2017

Երկ
Երք
Չոր
Հնգ
Ուրբ
Շաբ
Կիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×