Հայ ցանցահեններն ավելի քան 20 ադրբեջանական կայք են կոտրել
ԵՐԵՎԱՆ, 20 փետրվարի. /Նովոստի-Արմենիա/. Հայ ցանցահենները երկուշաբթի առավոտյան ավելի քան 20 ադրբեջանական կայք են կոտրել: Հակերական գրոհը «նվիրվել» է Բուդապեշտում ադրբեջանցի զինվորականի կողմից հայ լեյտենանտ Գուրգեն Մարգարյանի սպանության 8-րդ տարելիցին, նշվում է տեղեկատվական անվտանգության փորձագետ Սամվել Մարտիրոսյանի LiveJournal-ի բլոգում:
Կոտրված կայքերի թվում են sulh.az-ը, autolux.az-ը, bakucctv.com-ը, dayaq.org-ը, rednews.az-ը, sonxeber.az-ը, cereselektrik.com-ը, primetime.az-ը, rotaract.az-ը, hilalelektrik.az-ը, toyumuz.com-ը, cinsielaqe.com-ը, nigarjamal.com-ը, atv.az-ը, study-line.az-ը, americanacademy.az-ը, jalal-i.com, -ը brf.az-ը, extreme.az-ը, arabesque.az-ը, zirve.edu.az-ը:
2004 թվականի փետրվարի 19-ին հայկական բանակի լեյտենանտ Գուրգեն Մարգարյանը, ով Բուդապեշտ էր գործուղվել ՆԱՏՕ-ի «Գործընկերություն հանուն խաղաղության» ծրագրի շրջանակներում անգլերեն լեզվի դասընթացների, քնած ժամանակ բարբարոսաբար կացնահարվել էր նույն դասընթացի մասնակից ադրբեջանցի սպա Ռամիլ Սաֆարովի կողմից:
2006 թվականի ապրիլի 13-ին Բուդապեշտի առաջին ատյանի դատարանը Սաֆարովին դատապարտել է ցմահ բանտարկության 30 տարի առանց ներման իրավունքի: 2007 թվականի փետրվարին Վերաքննիչ դատարանը վճիռն անփոփոխ է թողել:-0-
Ծանոթացեք լուրերին առաջինն ու քննարկեք դրանք մեր Telegram-ում
12:18 20.02.2012