Հայաստանի ներկայացուցիչն առաջին անգամ ներառվել է Digital Media Experts in 2021–ի լավագույն տասնյակում
ԵՐԵՎԱՆ, 26 նոյեմբերի./ԱՌԿԱ/. «ԱՌԿԱ» մեդիահոլդինգի հատուկ նախագծերի դեպարտամենտի ղեկավար Աշխեն Սամվելյանը ներառվել է Digital Media Experts in 2021–ի (2021թ.–ի թվային մեդափորձագետներ) լավագույն տասնյակում, որը կազմվել է International Media Centre–ի կողմից։
«Աշխեն Սամվելյանը Հայ–ռուսական համալսարանի շրջանավարտ է և աշխատում է Հայաստանի առաջատար մեդիահոլդինգներից մեկում` «ԱՌԿԱ» լրատվական գործակալությունում։ «Նովոստի–Արմենիա» լրատվական գործակալությունը, որը կապված է մեդիահոլդինգի հետ, երկրում առաջիններից մեկը սկսեց ներդնել մեդիաձևաչափեր native գովազդի համար` կատարելով մեծ ցատկ երկրի մարքեթինգի ոլորտում։ Վերջին չորս տարում Աշխենը Հատուկ նախագծերի դեպարտամենտի ղեկավարն է։ Նա ունի ավելի քան 10 տարվա փորձ Digital Media–ի ոլորտում։ Նա նաև դասավանդում է Հայ–ռուսական համալսարանում», – նշվում է կենտրոնի կայքում հրապարակված վարկանիշում։
Վարկանիշում ներառված են մեդիափորձագետներ ԱՄՆ–ից, Մեծ Բրիտանիայից, Ռուսաստանից, Հնդկաստանից, Էստոնիայից։
Թվային մեդիայի հետազոտությունների կենտրոնն իրականացնում է ուսումնասիրություններ հաղորդակցությունների, ԶԼՄ–ների և իրավունքի ոլորտներում` բարգավաճող թվային հասարակության համար։ Կենտրոնն օգնում է լուծել թվային վերափոխման տեղական, ազգային և գլոբալ խնդիրներ և ապահովում է հավակնոտ հետազոտական մշակույթ։
«ԱՌԿԱ» լրատվական գործակալությունը գործում է 1996թ.–ի մայիսի 1–ից։ Այսօր «ԱՌԿԱ» մեդիահոլդինգում ներառված են նաև teleсom.arka.am հեռահաղորդակցական և բարձր տեխնոլոգիաների ոլորտը լուսաբանող պորտալն ու armbanks.am ֆինանսաբանկային պորտալը։ «ԱՌԿԱ» գործակալության տեղեկատվությունը կանոնավոր կերպով ստանում և օգտագործում են պետական և առևտրային կառույցներ, բանկեր, միջազգային ֆինանսական կազմակերպություններ, խորհրդատվական ընկերություններ, դեսպանատներ, ԶԼՄ–ներ։ 2000թ.–ի արդյունքում «ԱՌԿԱ»–ն Կենտրոնական բանկի կողմից ճանաչվել է Հայաստանի լավագույն տնտեսական գործակալությունը։
«Նովոստի–Արմենիա» միջազգային տեղեկատվական գործակալությունը գործում է Հայաստանի լրատվական դաշտում 2005թ.–ից և մեդիաշուկայի առաջատարներից է։ Գործակալությունն ամենամեջբերվող ռեսուրսներից է հայկական ԶԼՄ–ների շրջանում, այսօրվա դրությամբ ունի 150 հազար բաժանորդ Facebook–ում, ինչն ապահովում է օրական ավելի քան 250 հազար դիտում։ 2019թ.–ին գործակալությունը գործարկել է www.foodandwine.am պորտալը, որը լուսաբանում է տարբեր երկրների խոհարարական ու գաստրոնոմիկ ավանդույթները։–0–
Ծանոթացեք լուրերին առաջինն ու քննարկեք դրանք մեր Telegram-ում
12:48 26.11.2021
