Հայաստանի ինտերնետի աշխատանքում խափանումներ են. NetBlocks ինտերնետի մոնիտորինգային կենտրոն
ԵՐԵՎԱՆ, 25 փետրվարի./ԱՌԿԱ/. NetBlocks ինտերնետի աշխատանքի մոնիտորինգային կենտրոնի ցանցային տվյալները հաստատում են, որ Հայաստանում փետրվարի 25–ին կեսօրից գրանցվում է ինտերնետի աշխատանքի խափանումներ քաղաքական անկայունության և ռազմական հեղաշրջման փորձի հայտարարությունների ֆոնին։
Հայաստանի Հանրապետության զինված ուժերի գլխավոր շտաբը փետրվարի 25–ին հայտարարություն է տարածել՝ վճռական բողոք արտահայտելով Տիրան Խաչատրյանին գլխավոր շտաբի պետի առաջին տեղակալի պաշտոնից ազատելու առնչությամբ: Զինված ուժերի գլխավոր շտաբը պահանջում է վարչապետի և կառավարության հրաժարականը:
ՀՀ վարչապետ Նիկոլ Փաշինյանն իր հերթին գլխավոր շտաբի հայտարարությունը համարել է ռազմական հեղաշրջման փորձ՝ կոչ անելով իշխանության կողմնակիցներին գնալ Հանրապետության հրապարակ: Ավելի ուշ «Ֆեյսբուքի» իր էջի ուղիղ եթերում վարչապետը հայտնեց, որ որոշել է պաշտոնից ազատել ՀՀ գլխավոր շտաբի պետ Օնիկ Գասպարյանին: Երևանում կազմակերպվեցին Փաշինյանի կողմնակիցների և ընդդիմադիրների հանրահավաքները։ Ընդդիմությունը փակեց Բաղրամյանի պողոտան, որտեղ գտնվում է ԱԺ–ի շենքը և հայտարարեց անժամկետ ու շուրջօրյա ակցիաների մասին, որոնք կշարունակվեն մինչև Փաշինյանի հրաժարականը։
Խափանումներն ունեն մասնակի ազդեցություն և հաստատում են, որ օգտատերերն ունեցել են ցանցին միանալու խնդիրներ, որոնք տարածվել են մի քանի ցանցերի։
Տարածաշրջանում աճում են ինտերնետի աշխատանքի խափանումները, որոնք կապված են քաղաքական ճգնաժամի հետ։ Ադրբեջանը երկար ժամանակով արգելափակում է սոցիալական ցանցերը Արցախյան պատերազմի ֆոնին։
NetBlocks–ն աշխատում է անկախ և անաչառ, ձգտում է ապահովել արդար և ներառական թվային ապագա բոլորի համար։–0–
Ծանոթացեք լուրերին առաջինն ու քննարկեք դրանք մեր Telegram-ում
23:18 25.02.2021