Հայ օգտատերերը սկսել են ավելի շատ Ինտերնետ–գնումներ կատարել
ԵՐԵՎԱՆ, 6 փետրվարի. /ԱՌԿԱ/. Ինտերնետում հայ օգտատերերի ծախսերը 2016 թ.-ին նախորդ տարվա համեմատ ավելացել է 25 տոկոսով, իսկ վճարումների թիվն աճել է գրեթե 50 տոկոսով, հաղորդում է «Yandex. Փողեր» ընկերության մամուլի ծառայությունը:
Ընկերության վերլուծաբանները նման եզրակացությունների են եկել` ուսումնասիրելով օգտատերերի` «Yandex.դրամարկղ» ունիվերսալ վճարային հավելվածի միջոցով արված վճարումներն ուսումնասիրելով, որին միացած է ավելի քան 75 հազար առցանց հարթակ ողջ աշխարհում:
Ընդ որում, Հայաստանի բնակչի միջին կտրոնը փոքր-ինչ կրճատվել է` 3342-ից մինչև 2820 դրամ (ՌԴ կենտրոնական բանկի 31.01.2017-ի փոխարժեքով): 12 ամսում յուրաքանչյուր օգտատեր համացանցում վճարել է միջինը 9 գնման դիմաց` ընդհանուր 25 334 դրամի` մոտ 15 տոկոսով ավելի քիչ, քան 2015 թ.-ին:
Վիճակագրությունն ըստ քաղաքների
2016 թ.-ին ամենից շատ ինտերնետում գումար են ծախսել Երևանի, Գյումրիի, Հրազդանի և Աբովյանի բնակիչները: 2015 թ.-ի համեմատ վերջին երկու քաղաքներում վճարումների քանակը մոտ մեկուկես անգամ ավելացել է, իսկ Գյումրիում, հակառակը, նվազել է ավելի քան 15 տոկոսով:
Ամենախոշոր միջին կտրոնները Երևանի և Հրազդանի բնակիչներինն են` համապատասխանաբար, 8803 և 7507 դրամ: Գյումրիում օգտատերերը մի գնման դիմաց միջինը ծախսել են 4931 դրամ, իսկ Աբովյանում` 4809 դրամ:
Տարածված վճարումներ
2016 թվականին Հայաստանում ամենատարածված վճարումներն են դարձել առցանց խաղերը, բջջային կապը, սոց. ցանցերի վճարովի ծառայությունները և Ինտերնետ խանութներում պատվերները: Օգտատերերը նաև ակտիվորեն գումար են փոխանցել բարեգործական նպատակներով:
2015 թ.-ի համեմատ, Ինտերնետ խանութներում կատարած գնումները երկու անգամ աճել են: Առցանց խաղերի վճարումների քանակն ավելացել է 1,8 անգամ, բջջային կապի դիմաց` ավելի քան 15 տոկոսով, իսկ սոցիալական ցանցերի վճարովի ծառայությունների դիմաց, ընդհակառակը, նվազել է 5 տոկոսով: Մարդիկ սկսել են ավելի ծատ գումար նվիրաբերել բարեգործությանը. նման փոխանցումների թիվը աճել է 4,6 անգամ:
Ինտերնետ խանութներում օգտատերերն ամենաշատը գնել են հագուստ և կոշիկ, գրքեր, տան և սիրած զբաղմունքի պարագաներ, մեքենաների աքսեսուարներ: Հագուստի պատվերի թիվն աճել է 3,7 անգամ: Զգալիորեն ավելացել է կոսմետիկայի և օծանելիքի գնման քանակը, ինչպես նաև` առողջության համար ապրանքների քանակը. յուրաքանչյուրն ավելացել է 7 անգամ: Իսկ կենցաղային տեխնիկան մեծ պահանջարկ չի վայելում. այստեղ վճարումների քանակը նվազել է գրեթե երկու անգամ:
Միջին կտրոններ
2016 թ.-ին ամենից շատը Հայաստանի բնակիչները մեկ գնման դիմաց միջինը ծախսել են ավիատոմսերի համար` 118 819 դրամ: Դա 10 տոկոսով ավելի է նախորդ տարվա ցուցանիշից: Գնացքների տոմսերի դիմաց միջին վճարումը նախորդ տարի կազմել է 5828 դրամ:
Ինտերնետ խանութներում ամենախոշոր կտրոնները գրանցվել են վերանորոգման պարագաների, կոսմետիկայի և օծանելիքի համար, ինչպես նաև` մանկական ապրանքների` համապատասխանաբար, 67 883, 31 749 և 17 1999 դրամ, մեքենաների աքսեսուարների վրա` 12 390 դրամ:
Հետազոտության մեջ հաշվի են առնվել Հայաստանի բնակիչների` 2016 և 2015 թթ.-ին Yandex. դրամարկղերով կատարված վճարումները:
Yandex. դրամարկղերն օգնում է վճարել առցանց գնումների դիմաց ամենատարածված միջոցներով` սկսած բանկային քարտերից, մինչև անկոնտակտ վճարումներ: MARC միջազգային հետազոտական ընկերության տվյալներով, 2016 թ.-ին Yandex. դրամարկղերը դարձել է Ռուսաստանում ամենաճանաչված վճարային համակարգը: -0-
Ծանոթացեք լուրերին առաջինն ու քննարկեք դրանք մեր Telegram-ում
17:09 06.02.2017