Նոր էմոտիկոններ կհայտնվեն iOS–ում

ԵՐԵՎԱՆ, 21 հունիսի. /ԱՌԿԱ/. Unicode Consortium ոչ առևտրային կազմեիրպությունը թողարկել է Unicode 10.0, որում ավելացվել են հիջաբով կանանց տեսքով էմոձիներ, բիթքոինի նշանը և ևս 55 նոր սմայլեր։

Ինչպես հայտնում է Лента.ру–ն, դրանք կարող են հայտնվել iOS–ի թարմացումներից մեկում։

Նոր էմոտիկոնների և պատկերների թվում են նաև` «Բարձրացրած հոնքով դեմքը», «Պայթող գլուխը», «Բարկացող դեմքը» և այլն։ Ավելացել են նաև դինոզավրերով, էլֆերով, վամպիրներով, մոգերով և զոմբիներով պիկտոգրամներ։

Նշվում է, որ Unicode–ի նոր տարբերակն ուշ է հայտնվել, այդ պատճառով էմոձիները չեն ավելացվել iOS 11–ում։ Այդ իսկ պատճառով Apple–ը կարող է դրանք ավելացնել iOS 11.1–ում և 11.2–ում։ Unicode 9.0–ն 72 նոր պատկերներով ներդրվել է 2016 թվականի վերջին թողարկված iOS 10.2–ում։ 

Unicode Consortium–ն արդեն սկսել է Unicode 11.0–ի համար նոր էմոտիկոնների հայտեր ընդունել։ Թեկնածուների թվում են արդեն հրշեջներով, Պետրիի բաժակով և ԴՆԹ–ով պիկտոգրամները։ Հավանության արժանացած պատկերների նախնական ցուցակը կարող է հայտնվել 2017 թվականի վերջին։ -0-

 

 

Ծանոթացեք լուրերին առաջինն ու քննարկեք դրանք մեր Telegram-ում

18:46 21.06.2017