ԸՆԿԵՐՈՒԹՅՈՒՆՆԵՐԸ ՀԱՅԱՍՏԱՆՈՒՄ ՉԵՆ ԿԱՐԵՎՈՐՈՒՄ ԾՐԱԳՐԱՅԻՆ ԱՊԱՀՈՎՄԱՆ ԱՐՏՈՆԱԳՐՄԱՆ ՈՒ ՎԵՐԱՀՍԿՈՂՈՒԹՅԱՆ ԳՈՐԾԸՆԹԱՑԸ. BSA
ԵՐԵՎԱՆ, 24 հունիսի./ԱՌԿԱ/. Ընկերությունները Հայաստանում չեն կարևորում ծրագրային ապահովման ընթացակարգերի արտոնագրման ու վերահսկողության գործընթացը։ Այս մասին «ԱՌԿԱ» գործակալությանը հայտնեց Հայաստանում Business
Software Allians-ի (BSA) ներկայացուցիչ Նարինե Մկրտչյանը։
«Համակարգչահենության բարձր մակարդակը Հայաստանում վկայում է այն մասին, որ ընկերությունները չեն կարևորում ծրագրային ապահովման ընթացակարգերի արտոնագրման ու վերահսկողության գործընթացը»,- ասաց Մկրտչյանը։
Այս առումով նա նշեց ծրագրային ապահովման արտոնագրերի կառավարման համակարգի ներմուծման անհրաժեշտությունը (Software Asset Management), որը թույլ է տալիս կարգավորել ընկերությունում ծրագրային ապահովման ողջ գործընթացը։
Նրա խոսքերով՝ բոլոր ընկերությունները պետք է արտոնագրում կատարեն, իսկ սկզբի համար անհրաժեշտ է ակտիվների կառավարման ճիշտ համակարգ, ինչի կապակցությամբ էլ պետք է ծրագրային ապահովման գույքագրում իրականացնել, հստակեցնել արտոնագրի ու իրավաբանական պատասխանատվության առկայությունը, վերանայել քաղաքականությունը, կորպորատիվ ծրագրերի կառավարման ծրագիր մշակել։
Ծրագրային ապահովման արտոնագրերի կառավարման համակարգների առավելությունների թվում Մկրտչյանը նշեց ընկերության վստահությունը արտոնագրված ծրագրային ապահովման մեջ, ինչը լիովին բացառում է ցանկացած ռիսկ, ապահովում է տեխնիկական աջակցություն, ծրագրային ապահովման նորույթներ և բացառում է լրացուցիչ ծրագրերի ներբեռնումը, ինչի հաշվին էլ ավելանում է ֆինանսական ծախսերի արդյունավետությունն ու ընկերության եկամտաբերության մակարդակը։
Հիմնական ռիսկերի թվում, որոնցից ընկերությունը խուսափում է՝ ներդնելով նման համակարգ, ընկերության ներկայացուցիչը նշեց դատավարությունները՝ կապված խոշոր կորպորացիաների կողմից իրենց հեղինակային իրավունքները պաշտպանելու գործընթացին հետևելու փորձերի հետ, վիրուսների տարածման հնարավորությունները և տեղեկատվության կորուստը, գերծախսերը։
«Ծրագրային ապահովման ակտիվների կառավարման ծրագրի ներմուծմամբ ընկերությունները կարող են արտոնագրված ծրագրային ապահովման հաշվին իրենց ծախսերը կրճատել մինչև 30 տոկոս»,- ասաց Մկրտչյանը։
Software Asset Management-ը (SAM) ծրագրային ապահովման ակտիվների կառավարման գործընթացների օպտիմալացմանն ու դրանց պաշտպանությանն ուղղված մեթոդաբանություն է։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:23 24.06.2009
