ՀՀ ՀԾԿՀ-ն քննարկում է ցանցային ընկերությունների համար ֆինանսական հաշվետվության պարտադիր հրապարակում ներդնելու հնարավորությունը
ԵՐԵՎԱՆ, 2 հունիսի. /ԱՌԿԱ/. ՀՀ հանրային ծառայությունները կարգավորող հանձնաժողովը քննարկում է ցանցային ընկերությունների համար ֆինանսական հաշվետվության պարտադիր հրապարակում ներդնելու հնարավորությունը, չորեքշաբթի լրագրողներին է ասել ՀԾԿՀ անդամ Սամվել Արաբաջյանը:
Չորեքշաբթի նիստի ընթացքում ՀԾԿՀ-ն որոշում է ընդունել, որի համաձայն, բջջային կապի բոլոր օպերատորներն բաժանորդային ակտիվ համարների հիման վրա բջջային ցանցի ծառայություններից օգտվողների թվի վերաբերյալ տեղեկություն և հաշվետվություն են ներկայացնելու: Բացի այդ, ընկերությունները պետք է իրենց կայքերում հրապարակեն ֆինանսատեխնիկական հաշվետվությունները:
«Այսօր GSM-օպերատորների համար ներդրված հաշվետվության ձևերը կփորձարկվեն շուկայի խոշոր խաղացողների վրա իմանալու համար, թե որքան հավաստի են ներկայացվում ցուցանիշները, որքան արդյունավետ են նրանք աշխատում և արդյոք ունեն ուղղումների կարիք, ինչից հետո այդ ձևերը կկիրառվեն ցանցային բոլոր օպերատորների նկատմամբ», - ասաց Արաբաջյանը:
Նրա խոսքով՝ այս պահին հարցը հանձնաժողովի ուշադրության կենտրոնում է, և որոշ ժամանակ անց այն մտադիր է քննարկել հասարակական ցանցերից օգտվող ընկերությունների հաշվետվությունների հարցը:-0-
Ծանոթացեք լուրերին առաջինն ու քննարկեք դրանք մեր Telegram-ում
20:48 02.06.2011
