Հայաստանն աութսորսինգից անցնում է տեղական արտադրության ՏՏ ոլորտում. փորձագետ

ԵՐԵՎԱՆ, 30 մայիսի. /ԱՌԿԱ/. Հայաստանը տեղեկատվական տեխնոլոգիաների ոլորտում աութսորսինգից անցնում է տեղական արտադրության, շաբաթ օրը «ԱՌԿԱ» գործակալությանն ասաց տեղեկատվական  անվտանգության փորձագետ Սամվել Մարտիրոսյանը Երևանում «BarCamp Yerevan-2015»  -ի բացման շրջանակում:

«Հայաստանում ՏՏ ոլորտի զարգացման կարևոր ցուցանիշներից է այն, որ մենք ազատվում ենք աութսորսինգով զբաղվող երկրի կարգավիճակից տեղական արտադրանքի ավելացման հաշվին, որն իրացվում է արտերկրում», - նշեց Մարտիրոսյանը:

Այլ հեռանկարային ուղղությունների թվում փորձագետը նշեց Հայաստանում start-up միջավայրի ձևավորումը, որի մասնակիցները հիմնականում երիտասարդներ են: Նա նաև նշեց, որ երկրում արագ տեմպերով զարգանում է շարժական հավելվածների ոլորտը:

«Start-up-երին հարկումից ազատելը ևս դրական է ազդում ՏՏ ոլորտի զարգացման վրա: Հայաստանում փաստորեն ստեղծվել է առաջին վենչուրային հիմնադրամը, որտեղ պետությունն ունի իր մասնաբաժինը: Սրանք երկրում start-up-երի ֆինանսավորմանն ուղղված առաջին քայլերն են, որոնց ծավալները դեռևս բավարար չեն», - նշեց Մարտիրոսյանը: 

Հայաստանում այսօր գործում է մոտ 400 ՏՏ ընկերություն: Տեղեկատվական տեխնոլոգիաների ոլորտն ամեն տարի աճում է 20-25 տոկոսով:-0- 

Ծանոթացեք լուրերին առաջինն ու քննարկեք դրանք մեր Telegram-ում

19:16 30.05.2015