Beeline-ի ՏՏ տնօրենը CampFire Talk անցկացրեց «Սևան ստարտափ Սամմիթի» ընթացքում
ԵՐԵՎԱՆ, 28 հուլիսի. /ԱՌԿԱ/. Սևանի ափին անցկացվում է երկրորդ ամենամյա «Սևան Ստարտափ Սամմիթ 2017»-ը։
Միջոցառման շրջանակում անցկացվող CampFire Talk-երից մեկն անցկացրել է Beeline-ի տեղեկատվական տեխնոլոգիաների գծով տնօրեն Ալեքսեյ Կիմը։
Ընկերության մամուլի ծառայության հաղորդմամբ, ճամբարային պայմաններում անցկացվող համաժողովի ընթացքում խարույկի շուրջ հավաքված մասնակիցների նա պատմել է բլոքչեյնների մասին։
Մասնավորապես, նա ծանոթացրել է մասնակիցներին բլոքչեյնների պատմության հետ, պատմել է կրիպտոարժույթի և մայնինգի մասին, ներկայացրել է բլոքչեյնների կիրառման ոլորտներն ու Ethereum հարթակը։
«Ինձ հաջողվեց մասնակցել և ելույթով հանդես գալ հիանալի միջոցառմանը՝ Sevan Startup Summit 2017-ին։ Շատ ոգևորիչ միջոցառում էր, ակտիվ երիտասարդներ էին և հետաքրքիր գաղափարներ։ Շնորհակալ եմ կազմակերպիչներին այս ամենն անցկացնելու և ինձ հրավիրելու համար», - ասել է Կիմը։
«Սևան Ստարտափ Սամմիթ 2017»-ի մասնակիցներն են` ստարտափների և ծրագրավորողների 100 թիմեր, շուրջ 20 ներդրողներ, վենչուրային կազմակերպություններ և մենթորներ։ Ֆորումին ակտիվ մասնակցում են նաև Beeline-ի աշխատակիցները։
Beeline-ը «Սևան Ստարտափ Սամմիթ 2017» բիզնես ֆորումի գլխավոր աջակիցն է և ապահովում է միջոցառման ինտերնետ հասանելիությունը: -0-
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
13:26 28.07.2017