Հայաստանն ԱՏԳ է ստեղծում ամբողջ աշխարհի տեխնոլոգիական ստարտափերի զարմացման համար
ԵՐԵՎԱՆ, 15 հունվարի. /ԱՌԿԱ/. Armenian Blockchain Forum (ABF) ընկերությունը ներկայացրել է Հայաստանի նախագահին և կառավարության աշխատանքային խմբին հանրապետությունում տեխնոլոգիական կլաստերի ստեղծման ծրագիրը, հայտնում է ընկերության մամուլի ծառայությունը։
Հայաստանի Հանրապետության կառավարության և ABF-ի միջև կայացած հանդիպման արդյունքում հաստատվել է Հայաստանում Ազատ տնտեսական գոտու (ԱՏԳ) ստեղծման գաղափարը, որի տարածքում կտեղակայվի առաջադեմ տեխնոլոգիական կենտրոն՝ հայկական «Սիլիկոնային հովիտը»: Նոր կլաստերի հիմնական խնդիրը կլինի աշխարհի տարբեր երկրներից բարձր տեխնոլոգիական նախագծերի զարգացման համար Հայաստանում յուրահատուկ ենթակառուցվածքի կազմակերպումը և կարգավորումը:
Հանրապետությունում բարձր տեխնոլոգիական կլաստերի ստեղծման առաջին փուլով, որը պլանավորված է իրականացնել 2018 թվականի առաջին կիսամյակում, պլանավորվում է միջազգային աքսելերատորի բացումը, որը կհանդիսանա հարթակ ամբողջ աշխարհից նորարարական նախագծերի գործարկման և զարգացման համար, ինչպես նաև ԱՏԳ տարածքում տեխնիկական տարածքների և տվյալների բազաների ստեղծումը, որոնք ուղղված կլինեն ապակենտրոնացված տեխնոլոգիաների ցանցի գործարկմանը և աջակցմանը:
Ինչպես աշխատանքային հանդիպման ընթացքում նշել է ՀՀ տնտեսական զարգացման և ներդրումների նախարար Սուրեն Կարայանը, նախաձեռնության իրականացումը կնպաստի Հայաստանում բարձր տեխնոլոգիաների զարգացմանը, թույլ կտա Հայաստանը վերածել միջազգային ասպարեզում տեխնոլոգիական առաջնորդներից մեկի, երկիր ներգրավել ներդրումներ և ստեղծել նոր աշխատատեղեր:
«Անշուշտ, դա լրացուցիչ խթան կհանդիսանա երկրի տնտեսության զարգացման համար»,– ասել է նա։
Ծրագրի շրջանակում կիրականացվեն նաև մի շարք կրթական և գիտահետազոտական նախագծեր Հայաստանի առաջատար բուհերի հետ համատեղ:
Ըստ Հայկական Բլոկչեյն Համաժողովի (ABF) գնահատականի, էկոհամակարգի առաջին տարվա գործունեության ընթացքում նախատեսվում է ստեղծել 250-300 նոր բարձր վարձատրվող աշխատատեղ և երկիր ներդրումների ներգրավում՝ առնվազն 120 մլն դոլարի չափով: -0-
Ծանոթացեք լուրերին առաջինն ու քննարկեք դրանք մեր Telegram-ում
19:47 15.01.2018