Sevan Startup Summit 2017 բիզնես համաժողովի կազմակերպիչները հայտեր են ընդունում

ԵՐԵՎԱՆ, 6 ապրիլի. /ԱՌԿԱ/. Ամռանը կազմակերպվող Sevan Startup Summit 2017 բիզնես համաժողովի կազմակերպիչները հրավիրում են ողջ աշխարհի սթարթափ թիմերին մասնակցել միջոցառմանը:

Համաժողովին մասնակցելու հայտերը ընդունվում են ապրիլի 1-ից մինչև հունիսի 20-ը: Startup Summit 2017-ը ավանդաբար կանցկացվի Սևանա լճի ափին` հուլիսի 24-31-ը:

«Հաշվի առնելով մասնակիցների ակտիվությունը, նախորդ տարվա արդյունքները և արձագանքը` այս տարի հայտերի ավելի մեծ քանակ ենք ակնկալում: Մենք փորձագետների լուրջ թիմ ենք հրավիրել, ովքեր աշխատելու են սթարթափերի հետ, գնահատելու են դրանց կենսունակությունը», - հայտարարեց կազմակերպող խմբի ղեկավար Վահագն Ռափյանը:

Համաժողովին մասնակցելու համար ընտրվելու են 70 լավագույն սթարթափերը: Համաժողովին կմասկացի նաև ծրագրավորողների 30 խումբ։ Ակնկալվում է հազարից ավելի մարդկանց ներկայություն, այդ թվում` ներդրողներ, մենթորներ, լրագրողներ:

Համաժողովի նպատակն է` աջակցել սթարթափ թիմերին ներկայացնել իրենց գաղափարները, ընդլայնել կապերի շրջանակը, նոր գիտելիքներ ստանալ և ներդրողներ գտնել: Համաժողովի կազմակերպիչներն են` «Start-up Armenia» հիմնադրամը և «Global AM» ընկերությունը: -0-

 

Ծանոթացեք լուրերին առաջինն ու քննարկեք դրանք մեր Telegram-ում

17:26 06.04.2017