ՀՀ ԱԻՆ-ը մտադիր է Գառնու աստղադիարանում կրկին եզակի դեֆորմոգրաֆ գործարկել

ՀՀ ԱԻՆ-ը մտադիր է Գառնու աստղադիարանում կրկին եզակի դեֆորմոգրաֆ գործարկել

ԵՐԵՎԱՆ, 16 փետրվարի. /ԱՌԿԱ/. ՀՀ արտակարգ իրավիճակների նախարարությունը մտադիր է Գառնու աստղադիտարանում կրկին եզակի դեֆորմոգրաֆ գործարկել, որը ֆիքսում է երկրակեղևի նույնիսկ ամենազգալի փոփոխությունները, հինգշաբթի լրագրողներին հայտնեց ԱԻՆ ղեկավար Արմեն Երիցյանը:

Հինգշաբթի կայացած կառավարության նիստի ժամանակ Երիցյանը դիմել է վարչապետ Տիգրան Սարգսյանին՝ եզակի սարքավորման վերագործարկման վերաբերյալ ԱԻՆ նախաձեռնությանն աջակցելու խնդրանքով:

Կառավարության ղեկավարը համապատասխան կառույցներին հանձնարարել է քննարկել տվյալ հարցը շահագրգիռ կողմերի հետ, մասնավորապես՝ ՀՀ գիտությունների ազգային ակադեմիայի և Գառնու աստղադիտարանը շահագործման հանձնող ամերիկյան ընկերության հետ:

Ըստ Երիցյանի՝ դեֆորմոգրաֆը չի շահագործվել ավելի քան 20 տարի, սակայն այսօր հաճախակի դարձած երկրաշարժերի կապակցությամբ, այդ թվում՝ տարածաշրջանում, այն արդիականացնելու և վերագործարկելու անհրաժաշետություն է առաջացել:

«Դա ողջ տարածաշրջանի համար եզակի սարքավորում է: 1988թ.-ի Սպիտակի երկրաշարժից երկու օր առաջ դեֆորմոգրաֆը երկրակեղևի փոփոխություն է գրանցել, սակայն սարքը նոր էր, և մասնագետները մտածել են, որ այն չի աշխատում»,- ասել է նախարարը:

Երիցյանը տեղեկացրել է, որ Գառնու աստղադիտարանը տեղակայված է 60 մ խորության վրա, իսկ դեֆորմոգրաֆը՝ 360 մ խորության վրա: Ըստ նրա՝ դա տարածաշրջանի միակ աստղադիտարանն է, որը տեղակայված է Գառնու խզվածքում:

Ընդհանուր առմամբ նախարարը նշել է, որ 2011թ.-ին Հայաստանում գրանցվել է շուրջ 15 երկրաշարժ 3 բալ ուժգնությամբ, իսկ 2012թ.-ին՝ արդեն երեք նման երկրաշարժեր:

Երիցյանը նշել է, որ հանրապետությունում այսօր շուրջ 4,5 հազար բազմահարկ շենք կա, որոնց սեյսմակայունությունը չի գերազանցում յոթ բալը: -0-

17:34 16.02.2012





 

« Օգոստոս 2017

Երկ
Երք
Չոր
Հնգ
Ուրբ
Շաբ
Կիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×