ՀԱՅԿԱԿԱՆ «ԱՐՄԵՆՏԵԼ» (ԱՊՐԱՆՔԱՆԻՇԸ՝ BEELINE) և VIVACELL-MTS ԲՋՋԱՅԻՆ ՕՊԵՐԱՏՈՐՆԵՐԻ ԲԱԺԱՆՈՐԴՆԵՐԸ MMS-ՀԱՂՈՐԴԱԳՐՈՒԹՅՈՒՆՆԵՐ ՓՈԽԱՆԱԿԵԼՈՒ ՀՆԱՐԱՎՈՐՈՒԹՅՈՒՆ ԵՆ ՍՏԱ

ԵՐԵՎԱՆ, 6 ապրիլի. /ԱՌԿԱ/. Հայկական «ԱրմենՏել» (ապրանքանիշը՝ Beeline) և VivaCell-MTS բջջային օպերատորների բաժանորդները ապրիլի 1-ից MMS-հաղորդագրություններ փոխանակելու հնարավորություն են ստացել։ Ինչպես հայտնում են ընկերություններն իրենց պաշտոնական կայքերում, այժմ երկու օպերատորների ծառայություններից օգտվողները կկարողանան միմյանց ոչ միայն տեքստեր ուղարկել, այլև մուլտիմեդիոն հաղորդագրություններ՝ MMS։ 

Բաժանորդները կարող են իրարից ստացած MMS հաղորդագրությունները տեսնել  անմիջապես իրենց բջջային հեռախոսների վրա։ MMS ծառայությունից կարող են օգտվել բոլորը, եթե բջջային հեռախոսը տեխնիկապես ապահովում է MMS:

MMS (Multimedia Messaging Service) հնարավորություն է տալիս գունավոր պատկերներ և տեքստեր, անիմացիա, երաժշտական աուդիո-ֆայլեր ստանալ և ուղարկել ինչպես հեռախոսների վրա, այնպես էլ էլեկտրոնային փոստի հասցեներին: Ներկայումս փոխանցվող տեղեկատվության ծավալը մեկ MMS հաղորդագրության մեջ կազմում է մինչև 300 կբայթ: Մեկ հաղորդագրության արժեքը 50 դրամ է կազմում (շուրջ 0,135 ցենտ)։

Եթե MMS հաղորդագրությունն ուղարկվել է մի բաժանորդի, որի բջջային հեռախոսը MMS ծառայությունը չի աջակցում կամ ինչպես հարկն է միացված չէ, վերջինը այդ մասին տեղեկացնող SMS հաղորդագրություն է ստանում։ SMS-ը հատուկ նշանաբառ է պարունակում և հղում կայքին, որտեղ հասցեատերը կարող է տեսնել հաղորդագրությունը։ -0--

Ծանոթացեք լուրերին առաջինն ու քննարկեք դրանք մեր Telegram-ում

00:15 07.04.2009