«ԱՐՄԵՆՏԵԼ» ՓԲԸ-Ն ՀԱՅԱՍՏԱՆՈՒՄ ԳՈՐԾԱՐԿԵԼ Է ՖԻՔՍՎԱԾ ԵՎ ԲՋՋԱՅԻՆ ԿԱՊԻ ԼԻՑՔԱՎՈՐՄԱՆ ON-LINE ԾԱՌԱՅՈՒԹՅՈՒՆ
ԵՐԵՎԱՆ, 5 մայիսի. /ԱՌԿԱ/. «ԱրմենՏել» ՓԲԸ-ն («Beeline» ապրանքանիշ) գործարկել է ֆիքսված և բբջային կապից օգտվելու վերալիցքավորման on-line ծառայություն։
Ինչպես երեքշաբթի «ԱՌԿԱ» գործակալությանը հայտնեցին ընկերության մամուլի ծառայությունից, վճարումները կարող են իրականացվել MasterCard բանկային քարտի կամ Tandem և ArCa վճարային համակարգերի վիրտուալ քարտերի օգնությամբ։
Այժմ «ԱրմենՏել» ՓԲԸ («Beeline» ապրանքանիշ) բջջային և ֆիքսված հեռախոսակապի հեռախոսահամարները կարելի է վճարել ինչպես Ինտերնետի միջոցով, այնպես էլ Beeline գրասենյակներում կամ Ռոումինգի ժամանակ` բանկոմատների միջոցով։
Վճարումն իրականացնելու համար անհրաժեշտ է նշել վճարում ստացողի հեռախոսահամարը` 9-նիշ ֆորմատով առանց միջակայքերի և որևէ այլ սիմվոլների, վճարման գումարը (դրամով) և բանկային քարտի տվյալները /ռեկվիզիտները:
Վճարումը կատարվում է իրական ժամանակի ռեժիմում, և գումարը բաժանորդի հաշվին փոխանցվում է ակնթարթներում։
Դրամական միջոցներն անցկացվում են վճարումն ստացողի հաշվին` առանց միջնորդավճարի: Վճարման նվազագույն գումարը 100 դրամ է, առավելագույնը` 100 000 դրամ: Վճարումը հնարավոր է իրականացնել միայն չարգելափակված հեռախոսահամարների համար:
Վճարում կատարելու անհնարին լինելու դեպքում տեղեկատվություն հեռախոսահամարի կարգավիճակի վերաբերյալ կարելի է պարզել Բաժանորդների հետ աշխատանքի ծառայությունից՝ 0611 համարով (բջջային հեռախոսից զանգելու դեպքում) կամ 0-8000-0611 (քաղաքային հեռախոսից զանգելու դեպքում)։
ԱրմենՏել ՓԲԸ-ն (Beeline ապրանքանիշ) «Վիմպելկոմ» ԲԲԸ դուստր ձեռնարկությունն է, 2007 թ.-ի ապրիլից «ԱրմենՏելի» 100 տոկոս բաժնետոմսերը պատկանում են ռուսական ընկերությանը։ «ԱրմենՏելը» տրամադրում է ֆիքսված (շուրջ 650 հազար բաժանորդ) և բջջային (ավելի քան 784 հազար բաժանորդ) հեռախոսակապի ծառայություններ Հայաստանի Հանրապետությունում:-0-
Ծանոթացեք լուրերին առաջինն ու քննարկեք դրանք մեր Telegram-ում
22:19 05.05.2009
