VIVACELL-MTS-Ի «ԱՄԱՌԱՅԻՆ ՆԵՐՇՆՉԱՆՔ» ՆԱԽԱԳԻԾՆ ԻՐԱԿԱՆԱՑՎՈՒՄ Է ԱՐԴԵՆ ԱՇՏԱՐԱԿՈՒՄ
ԵՐԵՎԱՆ, 21 օգոստոսի. /ԱՌԿԱ/. «Մոբիլնիյե ՏելեՍիստեմի» ԲԲԸ-ի դուստր ընկերություն VivaCell-MTS-ը հայտարարել է Արագածոտնի մարզի Աշտարակ քաղաքում Հայաստանի մարզերում գործող մշակույթի տների և գեղագիտական դպրոցների աշակերտների համար «Ամառային ներշնչանք» նախագծի անցկացման մասին, հաղորդում է ընկերության մամուլի ծառայությունը:
«Մրցույթ շարքը, Աշտարակի մշակույթի տան կտուրի տակ համախմբել է ներշնչանքի ոգով, սեփական աշխատանքները հասակակիցների հետ կիսելու ցանկությամբ և միասնական ուժերով հաղթանակի հասնելու նպատակով միավորված աշակերտներին», - ասվում է տեղեկատվության մեջ:
«Ամառային ներշնչանք» նախագծի նպատակը Հայաստանի շրջաններում բնակվող երեխաների ստեղծագործական տաղանդը բացահայտելն է և զարգացնելը: Երեխայի վառ երևակայությունը մրցույթի հիմնական շարժիչ ուժն է: Երեխաների աշխատանքների գնահատման չափանիշներ են ընտրված յուրօրինակությունը, վառ արտահայտչականությունը և մշակութային առանձնահատկությունների արտահայտումը:
Մասնակցող աշխատանքները ներկայացված են տարբեր ժանրերում` ազգագրական պարեր, երգեցողություն, նկարչություն, ասեղնագործություն, դրամատիկ արվեստ, արհեստներ և լուսանկարչություն: Աշխատանքները թեմատիկորեն պետք է կապված լինեն ՎիվաՍել-ՄՏՍ-ի հետ, կամ էլ պարունակեն ընկերության կորպորատիվ նշանը:
«Մեծագույն ուրախություն է մեր երեխաների դեմքերին ժպիտ տեսնելը. ՎիվաՍել-ՄՏՍ-ը մշտապես ձգտում է օգնել այս երեխաներին կենտրոնում ժամանակն անցկացնել առավել ուրախ և հայտնաբերել իրենց ունակությունները և տաղանդը»,-նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
«ՎիվաՍել-ՄՏՍ-ի «Ամառային ներշնչանք» նախագիծը մեկնարկել է օգոստոսի 19-ին Լոռու մարզում: Այն այսուհետ էլ շարունակաբար աշխուժություն է բերելու Հայաստանի մարզեր` պարգևելով ուրախության նոր առիթներ», - նշվում է տեղեկատվության մեջ:
VivaCell-MTS («Ղ-Տելեկոմ») Հայաստանում բջջային կապի առաջատար օպերատոր է, որը մատուցում է ձայնային կապի և տվյալների փոխանցման ծառայությունների լայն շրջանակ։
Իր հիմնադրման օրվանից՝ 2005 թ.-ի հուլիսի 1-ից սկսած VivaCell-MTS-ին կարճ ժամանակահատվածում հաջողվեց ստեղծել ողջ երկիրն ընդգրկող ցանց ու մեծ քանակությամբ բաժանորդների բազա: VivaCell-MTS-ը զարգացման, նորարար ապրանքների և բջջային կապի ծառայությունների առաջարկով շուկայի առաջատարն է:
«Մոբիլնիյե ՏելեՍիստեմի» ԲԲԸ-ն (NYSE: MBT) բջջայի կապի խոշորագույն օպերատորն է Ռուսաստանում, և ԱՊՀ երկրներում: Իր դուստր ձեռնարկությունների հետ միասին ընկերությունը ծառայություններ է մատուցում ավելի քան 93,05 միլիոն բաժանորդի:
Ռուսաստանի, ինչպես նաև Հայաստանի, Բելառուսի, Ուկրաինայի, Ուզբեկստանի և Թուրքմենստանի բնակչությունը, որտեղ ՄՏՍ-ը և նրա դուստր ձեռնարկությունները GSM ստանդարտի ծառայությունների մատուցման արտոնագրեր ունեն, կազմում է ավելի քան 230 միլիոն մարդ: 2000 թ.-ի հունիսից ՄՏՍ-ի բաժնետոմսերը ներկայացված են Նյու Յորքի ֆոնդային բորսայում ՝ MBT կոդի ներքո:-0-
Ծանոթացեք լուրերին առաջինն ու քննարկեք դրանք մեր Telegram-ում
22:42 21.08.2009