Երեվանում կարող է նորարարական համագործակցության ռուս-հայկական կենտրոն ստեղծվել

Երեվանում կարող է նորարարական համագործակցության ռուս-հայկական կենտրոն ստեղծվել

ԵՐԵՎԱՆ, 12 սեպտեմբերի. /ԱՌԿԱ/. Երևանի Գիտության և մշակույթի ռուսական կենտրոնի շրջանակներում հնարավոր է ստեղծվի նորարարական համագործակցության կենտրոն, ասել է ՌԴ նախագահի հատուկ ներկայացուցիչ, ԱՊՀ-ի, արտասահմանում բնակվող հայրենակիցների և միջազգային հումանիտար համագործակցության գործերով դաշնային գործակալության (Россострудничество)  ղեկավար Ֆարիթ Մուհամեթշինը:

«Հայաստանում կան մի շարք նախագծեր, որոնք կարելի է թեկուզ վաղը քննարկել և աջակցություն ցուցաբերել դրանց իրագործման տեսակետից», - ուրբաթ Երևանում ասել է նա լրագրողներին՝ պատասխանելով «ԱՌԿԱ» գործակալության հարցին:

Մուհամեթշինի խոսքերով՝ այդ կենտրոնը կստեղծվի երկկողմ հիմքի վրա և կօգնի Ռուսաստանում և Հայաստանում նոր տեխնոլոգիաների առաջխաղացմանը:

Նա նշել է նաև, որ կենտրոնի ստեղծման աշխատանքներին կմասնակցեն Գիտության և նորարարությունների դաշնային գործակալությունը Նանոտեխնոլոգիաների ռուսական կորպորացիան՝  ԱՊՀ-ի, արտասահմանում բնակվող հայրենակիցների և միջազգային հումանիտար համագործակցության գործերով դաշնային գործակալության համակարգմամբ և Գիտությունների ակադեմիայի ու վերջերս Դուբնայի միջուկային կենտրոնում ստեղծված Տեխնոլոգիական և հումանիտար համագործակցության միջազգային նորարարական կենտրոնի ներգրավմամբ, ինչպես նաև շահագրգռված հայկական հաստատություններն ու գործադիր իշխանության մարմինները:

Մուհամեթշինն ասել է նաև, որ Կենտրոնի ստեղծման մասին որոշումը կարելի է արագ ընդունել, սակայն ծրագրերի իրագործումը կարող է մի քանի ամիս տևել, քանի որ անհրաժեշտ է ամեն ինչ համաձայնեցնել տարբեր կառույցների հետ՝ աշխատանքների օպտիմալ մեկնարկի համատեղ մշակման նպատակով:

«Մենք ցանկանում ենք այս աշխատանքում ներգրավել Ռուս-հայկական սլավոնական համալսարանը, որը նորարարական ոլորտում որոշակի հմտություններ և ծրագրեր ունի: Այնտեղ հասկանում են, թե ինչ ենք մենք ուզում և ինչպես դա անել», - ընդգծել է նա:-0-

22:47 12.09.2009





 

« Հոկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×