Հայաստանում VivaCell-MTS բջջային կապի բաժանորդների թիվը 2009 թ.-ի սեպտեմբերի վերջին աճել է 16,6% և կազմել 2,08 մլն
ԵՐԵՎԱՆ, 26 հոկտեմբերի. /ԱՌԿԱ/. Հայաստանում VivaCell-MTS բջջային կապի բաժանորդների թիվը 2009 թ.-ի սեպտեմբերի վերջին աճել է 16,6%-ով՝ 2008 թ.-ի միևնույն ժամանակահատվածի համեմատ, և կազմել 2,08 մլն:
Ինչպես երկուշաբթի «ԱՌԿԱ» գործակալությանը հայտնեցին ընկերության մամուլի ծառայությունից, միայն 2009 թ.-ի սեպտեմբերին ընկերության բաժանորդային բազան ավելացել է 1,2%-ով կամ 0,03 մլն բաժանորդով:
2009 թ.-ի սեպտեմբերին MTS ընկերության համընդհանուր բաժանորդային բազան, 2008 թ.-ի նույն ժամանակահատվածի համեմատ, ավելացել է 10,6 տոկոսով և կազմել 996,86 միլիոն։ Ընդ որում միայն սեպտեմբերին MTS-ի միասնական բաժանորդային բազան ավելացել է 0,69 միլիոն բաժանորդով, որոնցից Ռուսաստանին բաժին է ընկել 0,44 նոր բաժանորդ։
VivaCell-MTS («Ղ-Տելեկոմ») Հայաստանում բջջային կապի առաջատար օպերատոր է, որը մատուցում է ձայնային կապի և տվյալների փոխանցման ծառայությունների լայն շրջանակ։
Ընկերությունն աշխատում է Հայաստանի ողջ տարածքում, ունի GSM 900/1800 ստանդարտի համապատասխանության հավաստագիր՝ մինչև 2019թ.։
VivaCell-MTS-ի բաժնետոմսերի 80% բաժնետերը Ռուսաստանում և ԱՊՀ երկրներում բջջային կապի խոշորագույն օպերատոր «Բջջային հեռահամակարգեր» (МТС) ԲԲԸ-ն է, իսկ մնացած 20%-ը պատկանում է Fattouch Group լիբանանյան ներդրումային ընկերությանը։ -0-
Ծանոթացեք լուրերին առաջինն ու քննարկեք դրանք մեր Telegram-ում
21:52 26.10.2009