ԵՐԵՎԱՆԻ ԿԵՆՏՐՈՆՈՒՄ ՆՈՐԱՑՎԱԾ ՓՈՍՏԱՅԻՆ ԲԱԺԱՆՄՈՒՆՔ Է ԲԱՑՎԵԼ
ԵՐԵՎԱՆ, 29 հոկտեմբերի. /ԱՌԿԱ/. Նախօրեին տեղի է ունեցել Երևանի Կենտրոն թաղամասի Գրիգոր Լուսավորչի 12 հասցեում գտնվող թիվ 0015 նորացված փոստային բաժանմունքի բացման արարողությունը՝ «Հայփոստ-Մարաթոն» ծրագրի շրջանակներում: Ինչպես «ԱՌԿԱ» գործակալությանը տեղեկացրեցին «Հայփոստ» ընկերության մամուլի ծառայությունից, բացման արարողությանը ներկա են եղել ՀՀ ԱԺ պատգամավոր, ՀՀ ԱԺ Պետաիրավական հանձնաժողովի նախագահ Դավիթ Հարությունյանը, «Հայփոստ Թրասթ Մենեջմենթ» ընկերության տնօրեն Խուան Պաբլո Գեչիջյանը, Հայփոստ ՓԲԸ գլխավոր տնօրենի պաշտոնակատար Արման Խաչատուրյանը: Շնորհավորելով Հայփոստ ՓԲԸ անձնակազմին և շրջանի բնակիչներին նորացված փոստային բաժանմունքի վերաբացման կապակցությամբ՝ ԱԺ պատգամավոր Դավիթ Հարությունյանը նշել է, որ իքնը եկել է որպես Կենտրոն համայնքի բնակիչ և փոստային բաժանմունքի հաճախորդ: Նա ավելացրել է, որ նման պայմանները նպաստում են, որպեսզի բաժանմունքներում, ինչպես աշխատակիցների, այնպես էլ հաճախորնդերի դեմքներին ժպիտն ավելի շատ լինի: Իր հերթին շնորհավորելով ներկաներին փոստային բաժանմունքի վերաբացման կապակցությամբ՝ Հայփոստ ՓԲԸ գլխավոր տնօրենի պաշտոնակատար Արման Խաչատուրյանը նշել է, որ մեկնարկած Հայփոստ – Մարաթոն ծրագրի շրջանակներում իրականացղվող փոփոխությունները նոր շունչ ու հոգի կտան Հայփոստին: Խաչատուրյանը նաև շեշտել է, որ ծրագիրն ընթանում է նաև հանրապետության շրջաններում, և խնդիր է դրված, որ որակյալ սպասարկումը լինի ոչ միայն մայրաքաղաքում, այլ նաև մարզերում
Բարեփոխումների ծրագրի համաձայն՝ «Հայփոստ» ՓԲԸ-ն նախատեսում է մինչև տարեվերջ բացել 30-ից ավել նորացված փոստային մասնաճյուղ և բաժանմունք հանրապետության ողջ տարածքում, որոնցից 20-ը՝ Երևանում:
Արդիականացման շրջանակներում իրականացվում փոստային բաժանմունքների վերանորոգում և վերականգնում, ենթակառուցվածքի նորացում, տեխնիկական վերազինում և ծրագրային ապահովման արդիականացում: Առաջիկայում կմեկնարկի կադրերի վերապատրաստման մեծ ծրագիր, ինչպես նաև կսկսվեն On-Line ցանցի ներդրման աշխատանքները: «Հայփոստ» ՓԲԸ -ն Հայաստանի Հանրապետության ազգային փոստային օպերատորն է, որը գործում է Հայաստանի տարածքում գտնվող իր 900 փոստային բաժանմունքների միջոցով: --0--
Ծանոթացեք լուրերին առաջինն ու քննարկեք դրանք մեր Telegram-ում
18:53 29.10.2009