«արմենտել»-ի բաժանորդները կարող են MMS ուղարկել եվրոպա, չինաստան եվ ֆիլիպիններ
ԵՐԵՎԱՆ, 14 դեկտեմբերի. /ԱՌԿԱ/. «ԱրմենՏել» ՓԲԸ-ն (Beeline ապրանքանիշ) հայտարարում է, որ կոմերցիոն շահագործման է հանձնել մուլտիմեդիոն հաղորդագրությունների (MMS) փոխանակումը, «ԱՌԿԱ» գործակալությանը հայտնեցին «ԱրմենՏելի» մամուլի ծառայությունից։
Այսուհետ Beeline բջջային ցանցի հաճախորդները կարող են MMS-հաղորդագրություններ փոխանակել Բելառուսի, Բոսնիա և Հերցեգովինայի, Չեխիայի, Հունգարիայի, Լյուքսեմբուրգի, Մոնտենեգրոյի, Պորտուգալիայի, Սլովակիայի, Ուկրաինայի, Մեծ Բրիտանիայի, ինչպես նաև Չինաստանի ու Ֆիլիպինների մի շարք օպերատորների բաժանորդների հետ:
«Այսօր, երբ շփվելու համար տարածությունն այլևս խոչընդոտ չէ, մեր հաճախորդները կարող են հեռախոսի միջոցով կիսել իրենց տպավորությունները մտերիմների հետ ոչ միայն Հայաստանում, այլ նրա սահմաններից դուրս», - ասաց «ԱրմենՏել» ՓԲԸ-ի գլխավոր տնօրեն Իգոր Կլիմկոն:
Ներկայում Beeline ցանցի բաժանորդները կարող են միջազգային MMS-հաղորդագրություններ փոխանակել ոչ միայն «Վիմպելկոմ» խմբի օպերատորների, այլ նաև միջազգային խոշոր 13 այլ օպերատորների բաժանորդների հետ, որոնց թվում են China Mobile, Telefonica Օ2, Kyivstar, Life և այլն:
Beeline ցանցի ներսում ելքային մեկ MMS-հաղորդագրության արժեքն է 50 դրամ, դեպի ՀՀ այլ բջջային ցանցեր և «Վիմպելկոմ» խմբի օպերատորներ` 55 դրամ, իսկ դեպի միջազգային այլ օպերատորներ` 299 դրամ ներառյալ ԱԱՀ: Մուտքային MMS-հաղորդագրություններն անվճար են:
«ԱրմենՏել» ՓԲԸ-ն (Beeline ապրանքանիշ) «Վիմպելկոմ» ԲԲԸ դուստր ձեռնարկությունն է, որը տրամադրում է ֆիքսված և բջջային հեռախոսակապի ծառայություններ Հայաստանի Հանրապետությունում: «Վիմպելկոմ» ընկերությունների խումբը հեռահաղորդակցության օպերատոր է, որը մատուցում է ձայնային կապի և տվայների փոխանցման ծառայություններ անլար և ֆիքսված հեռախոսակապի տեխնոլոգիաների լայն շրջանակում, ինչպես նաև լայնաշերտ Ինտերնետ կապի ծառայություններ: «Վիմպելկոմ» ընկերությունների խմբի մեջ են մտնում բջջային կապի մի շարք օպերատորներ, որոնք մատուցում են իրենց ծառայությունները Ռուսաստանում, Ղազախստանում, Ուկրաինայում, Տաջիկստանում, Ուզբեկստանում, Վրաստանում և Հայաստանում: “Վիմպելկոմ” ընկերությունների խմբի արտոնագրերը ընդգրկում են ընդհանուր 340 մլն բնակչությամբ տարածքներ: «Վիմպելկոմ» ԲԲԸ առաջին ռուսական ընկերությունն էր, որը գրանցվեց Նյու Յորքի ֆոնդային բորսայում (NYSE): Ընկերության բաժնետոմսերը շրջանառվում են VIP ծածկագրով:-0--
Ծանոթացեք լուրերին առաջինն ու քննարկեք դրանք մեր Telegram-ում
20:13 14.12.2009
