ԼՂՀ ՆԱԽԱԳԱՀԸ ՀԱՄԱԳՈՐԾԱԿՑՈՒԹՅԱՆ ՀԱՐՑԵՐ Է ՔՆՆԱՐԿԵԼ «ՂԱՐԱԲԱՂ ՏԵԼԵԿՈՄ» ԸՆԿԵՐՈՒԹՅԱՆ ՂԵԿԱՎԱՐՈՒԹՅԱՆ ՀԵՏ
ՍՏԵՓԱՆԱԿԵՐՏ, 19 հունվարի. /ԱՌԿԱ/. Արցախի Հանրապետության նախագահ Բակո Սահակյանը երկուշաբթի համագործակցության հարցեր է քննարկել «Ղարաբաղ Տելեկոմ» ընկերության նախագահ Պիեռ Ֆատուշի և գլխավոր տնօրեն Ռալֆ Յիրիկյանի հետ:
«Հանդիպմանը քննարկվել են Արցախում ընկերության ընթացիկ և հետագա ծրագրերի հետ կապված հարցեր»,- տեղեկացնում է ԼՂՀ աշխատակազմի տեղեկատվության գլխավոր վարչությունը։
Երկրի ղեկավարը կարևորել է «Ղարաբաղ Տելեկոմ»-ի դերը հանրապետության սոցիալ-տնտեսական զարգացման գործում և հույս հայտնել, որ այսուհետ ևս ընկերությունն իր ակտիվ մասնակցությունը կբերի Արցախում տարբեր ծրագրերի իրականացմանը:
Հանդիպմանը ներկա էր ԼՂՀ վարչապետ Արա Հարությունյանը, փոխվարչապետ, ֆինանսների նախարար Սպարտակ Թևոսյանը և պաշտոնատար այլ անձինք: -0-
Ծանոթացեք լուրերին առաջինն ու քննարկեք դրանք մեր Telegram-ում
17:07 19.01.2010
