ԵՐԵՎԱՆԻ ՀԱՅ-ՀՆԴԿԱԿԱՆ ԳԵՐԱԶԱՆՑՈՒԹՅԱՆ ԿԵՆՏՐՈՆԻ ԳԵՐՀԱՄԱԿԱՐԳԻՉԸ ԿԱՇԽԱՏԻ 2010Թ.-ԻՆ
ԵՐԵՎԱՆ, 31 մայիսի./ԱՌԿԱ/. Երևանի պետական համալսարանի Հայ-հնդկական գերազանցության կենտրոնի գերհամակարգիչը կաշխատի 2010թ.-ին, ասաց ՀՀ էկոնոմիկայի նախարար Ներսես Երիցյանը։
Երևանի պետական համալսարանում տեղեկատվական և հեռահաղորդակցման ոլորտում Հայ-հնդկական կրթական գերազանցության կենտրոնի ստեղծման մասին համաձայնագիրը կնքվել է դեռ 2009թ.-ին։ Ծրագրվում է, որ կենտրոնը կհամալրվի Param հնդկական արտադրության Param գերհամակարգչով՝ ավելի քան 1,5 մլն դոլար ընդհանուր արժեքով։
«Նախագիծը նախաձեռնվել է 2009թ.-ին և ակնկալվում է, որ 2010թ.-ին այն կիրականացվի։ Հայաստանում հայ-հնդկական կենտրոնի հիման վրա գերհամակարգիչ կգործարկվի, ինչպես նաև ԵՊՀ-ում կստեղծվի մասնագիտական լաբորատորիա»,- շաբաթ օրը 2009թ.-ի պետբյուջեի կատարողականի մասին խորհրդարանական լսումների ժամանակ ասաց Երիցյանը։
Ակնկալվում է, որ Կենտրոնը Հայաստանում կսկսի գործել 2010թ.-ի հոկտեմբերից։ ՏՏ-ոլորտում երկկողմ համագործակցության խթանման վերաբերյալ Հայաստանի և Հնդկաստանի կառավարությունների միջև կնքված համաձայնագրի նպատակն է, մասնավորապես, աշխատեղերի ստեղծումը, համաշխարհային մակարդակի ՏՏ-ոլորտի բարձրորակ մասնագետների պատրաստումը՝ հայկական շուկայ ներդրումներ ներգրավելու համար:--0--
Ծանոթացեք լուրերին առաջինն ու քննարկեք դրանք մեր Telegram-ում
21:52 31.05.2010
