ORANGE ԸՆԿԵՐՈՒԹՅՈՒՆԸ ՀԱՅԱՍՏԱՆՈՒՄ ՆՈՐ ԾԱՌԱՅՈՒԹՅՈՒՆ Է ԳՈՐԾԱՐԿԵԼ՝ ORANGE CARE

ORANGE ԸՆԿԵՐՈՒԹՅՈՒՆԸ ՀԱՅԱՍՏԱՆՈՒՄ ՆՈՐ ԾԱՌԱՅՈՒԹՅՈՒՆ Է ԳՈՐԾԱՐԿԵԼ՝ ORANGE CARE

ԵՐԵՎԱՆ, 12 օգոստոսի. /ԱՌԿԱ/. Orange հեռահաղորդակցական ընկերությունը Հայաստանում սկսել է նոր Orange Care ծառայության տրամադրումը, որը էապես կհեշտացնի հեռախոսների և սմարթֆոնների օգտագործումը հաճախորդների կողմից, հինգշաբթի «ԱՌԿԱ» գործակալությանը տեղեկացրեցին ընկերության մամուլի ծառայությունից:

Տեղեկատվության համաձայն, Orange Care-ի շրջանակներում մատուցվում է 3 ծառայություն` «Միացրու հեռախոսդ», «Փոխանցիր և պահիր» և «Սկսիր օգտվել սմարթֆոնիցդ»:
Նշված ծառայությունների շնորհիվ այսուհետ Orange-ի խանութներում հեռախոս կամ սմարթֆոն գնելիս՝ հաճախորդները կստանան մասնագիտական խորհրդատվություն:
Վերապատրաստված տեխնիկական անձնակազմը` Orange փորձագետները, կօգնեն բաժանորդներին հեշտությամբ ծանոթանալ իրենց նոր հեռախոսի բոլոր հնարավորություններին. կատարել ցանցի տվյալների, էլ. փոստի, ստեղնաշարի, լեզվի,  ժամի և օրվա կարգավորում:

«Փոխանցիր և պահիր» ծառայության շրջանակներում Orange-ի մասնագետները կօգնեն հին հեռախոսի տվյալներն ամբողջությամբ փոխանցել նորի մեջ կամ պահպանել USB-ի ֆլեշի վրա:
Սմարթֆոնների գնորդներին Orange փորձագետները կօգնեն ոչ միայն կողմնորոշվել հեռախոսի մոդելի ընտրության հարցում, այլ նաև  սահմանել SMS-ի, MMS-ի, ինտերնետի, էլեկտրոնային փոստի ցանցային կարգավորումները
Նշված ծառայություններն անվճար կտրամադրվեն iPhone, HTC Tattoo, HTC Desire, Nokia N97 և Nokia E71 մոդելների գնորդներին: 
Ցանկության դեպքում հաճախորդներին կտրամադրվի խորհրդատվություն նաև ծրագրային օգտագործման վերաբերյալ:
Ավելին, Orange Care ծառայության շրջանակներում այսուհետ Orange-ի խանութներից գնած բոլոր iPhone-ներում Orange-ի մասնագետներն անվճար կտեղադրեն iPhone4-ի օպերացիոն համակարգը, որը նոր ֆունկցիոնալ հնարավորություններ կընձեռի iPhone-ի սիրահարներին:

Orange Care-ի ծառայություններն այժմ հասանելի են Orange-ի 16 խանութներում, սակայն դրանց ցանկը շարունակաբար ընդլայնվելու է:

Օրանժ Արմենիան, որը Ֆրանս Տելեկոմ Խմբի մասն է կազմում, Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից:
Ընկերությունը Հայաստանում 2009թ. կատարել է 140 մլն եվրոյի ներդրումներ, իսկ մինչև 2010թ. վերջ կիրականացնի ևս 50 մլն դոլարի ներդրումներ և ապահովում է բջջային կապի և գերարագ ինտերնետի հասանելիությունը Հայաստանի 500 քաղաքներում և գյուղերում։ Orange-ի 3G+ ծածկույթն այսօր ամենաընդարձակն է Հայաստանում և ծածկում է բնակչության ավելի քան 85% տոկոսը: -0-

19:50 12.08.2010





 

« Հոկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×