Beeline գրասենյակներում բջջային հեռախոս գնելու դեպքում «ԱրմենՏել»-ը «գեղեցիկ» հեռախոսահամար կտրամադրի
ԵՐԵՎԱՆ, 25 նոյեմբերի. /ԱՌԿԱ/. «ԱրմենՏել» ՓԲԸ-ն (ապրանքանիշը` Beeline) հայտարարում է Beeline վաճառքի և սպասարկման գրասենյակներում հեռախոս գնելիս «գեղեցիկ» համարների տրամադրման մեկնարկի մասին:
Գնելով 100000 դրամից ցածր արժողությամբ բջջային հեռախոս հաճախորդը կստանա նվեր «արծաթե» հեռախոսահամար, իսկ 100000 դրամ և ավելի բարձր արժողությամբ` «ոսկե» հեռախոսահամար:
«Կապի միասնական օպերատոր` «ԱրմենՏել» ընկերությունն իր հաճախորդներին ընձեռում է եզակի հնարավորություն գնել նոր հեռախոս և ստանալ նվեր հեռախոսահամար, որը հեշտությամբ կհիշեն բաժանորդի ընկերներն ու հարազատները», - նշեց «ԱրմենՏել» ՓԲԸ Գլխավոր տնօրեն Իգոր Կլիմկոն:
«Գեղեցիկ» համարների տրամադրման հետ զուգահեռ «ԱրմենՏել» ընկերությունն իջեցրել է բջջային հեռախոսների գները: Beeline գրասենյակներում ներկայացված 62 տեսակի հեռախոսների գները նվազել են միջինը 10 տոկոսով: Օրինակ, NokiaX6 հեռախոսի գինը 150000 դրամից նվազել է մինչև 138000 դրամ, իսկ Nokia1202` 14000 դրամից մինչև 12000 դրամ:
ԱրմենՏել ՓԲԸ-ն (Beeline ապրանքանիշ) մտնում է «ՎիմպելԿոմ Լթդ» ընկերությունների խմբի մեջ, որն ընդգրկում է ձայնային կապի ծառայություններ, կապի տելեմատիկ ծառայություններ, տվայների փոխանցման ծառայություններ անլար և ֆիքսված հեռախոսակապի տեխնոլոգիաների լայն շրջանակի հիման վրա, ինչպես նաև լայնաշերտ Ինտերնետ հասանելիության ծառայություններ մատուցող կապի օպերատորներ ($1 – 361,67 դրամ)։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:59 25.11.2010