«ԱրմենՏելը» իրավաբանական անձանց համար գործարկել է մարզային նոր կանխավճարային սակագնային փաթեթներ

«ԱրմենՏելը» իրավաբանական անձանց համար գործարկել է մարզային նոր կանխավճարային սակագնային փաթեթներ

ԵՐԵՎԱՆ, 24 հունվարի. /ԱՌԿԱ/. «ԱրմենՏել» ՓԲԸ-ն (ապրանքանիշը` Beeline) հայտարարում է իրավաբանական անձանց համար մարզային նոր կանխավճարային սակագնային փաթեթների գործարկման մասին, երկուշաբթի «ԱՌԿԱ» գործակալությանը տեղեկացրեցին ընկերության մամուլի ծառայությունից:

««Բիզնես Արագածոտն», «Բիզնես Արարատ», «Բիզնես Արմավիր», «Բիզնես Վայոց Ձոր», «Բիզնես Գեղարքունիք», «Բիզնես Կոտայք», «Բիզնես Լոռի», «Բիզնես Սյունիք», «Բիզնես Տավուշ» և «Բիզնես Շիրակ» սակագնային փաթեթները հնարավորություն են տալիս համանուն մարզում գտնվող բաժանորդներին իրականացնել զանգեր իրենց սակագնային փաթեթի ներսում 0 դրամ/ րոպե սակագնով: Beeline բջջային ցանցում մեկ րոպեի արժեքն է 10 դրամ, դեպի Beeline ֆիքսված ցանց` 20 դրամ, իսկ դեպի Հայաստանի ու ԼՂՀ-ի այլ բջջային ցանցեր` 30 դրամ», - նշվում է տեղեկատվության մեջ:

Եթե բաժանորդը գտնվում է իր մարզից դուրս, ապա ելքային զանգի մեկ րոպեի արժեքն է սակագնային փաթեթի ներսում 10 դրամ, Beeline բջջային ցանցում` 20 դրամ, դեպի Beeline ֆիքսված ցանց` 30 դրամ, դեպի Հայաստանի ու ԼՂՀ-ի այլ բջջային ցանցեր` 40 դրամ:

Ինչպես նշվում է տեղեկատվության մեջ, SMS հաղորդագրություններ Beeline ցանցում կարելի է ուղարկել 10 դրամ սակագնով, Հայաստանի ու ԼՂՀ-ի այլ բջջային ցանցեր` 20 դրամ, իսկ միջազգային ցանցեր` 30 դրամ: Նշված սակագնային փաթեթների օրական բաժանորդավճարը կազմում է 13,33 դրամ:

«Մենք շարունակում ենք կորպորատիվ հաճախորդներին առաջարկել գրավիչ սակագնային փաթեթներ` ընձեռելով նրանց կապի ծառայությունների համար կատարվող ծախսերը նվազեցնելու հնարավորություն: Օրինակ, «Բիզնես Շիրակ» սակագնային փաթեթի բաժանորդը, գտնվելով Շիրակի մարզում, կարող է նույն սակագնային փաթեթում շփվել իր գործընկերների հետ այնքան ինչքան անհրաժեշտ է, ծախսելով օրական ընդամենը 13,33 դրամ»,-   նշել է «ԱրմենՏել» ՓԲԸ-ի գլխավոր տնօրեն Իգոր Կլիմկոն:

«ԱրմենՏել» ՓԲԸ-ն «ՎիմպելԿոմ» ընկերության դուստր ձեռնարկությունն է, 2007 թ.-ի ապրիլից «ԱրմենՏել»-ի 100 տոկոս բաժնետոմսերը պատկանում են ռուսական ընկերությանը: «ԱրմենՏել» ընկերությունը տրամադրում է ֆիքսված և բջջային կապի, ինչպես նաև գերարագ ինտերնետի ծառայություններ:-0-

16:46 24.01.2011





 

« Հոկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×