VivaCell-MTS-ը սպասարկման ունիվերսալ կենտրոն է բացել Երևանի կենտրոնում

VivaCell-MTS-ը  սպասարկման ունիվերսալ կենտրոն է բացել Երևանի կենտրոնում

ԵՐԵՎԱՆ, 5 մայիսի. /ԱՌԿԱ/. VivaCell-MTS բջջային օպերատորը Երևանի կենտրոնում բոլոր ծառայությունների մատուցումը մեկ տեղում համադրող սպասարկման կենտրոն է բացել, «ԱՌԿԱ» գործակալությանը տեղեկացրեցին ընկերության մամուլի ծառայությունից:
Կենտրոնը գտնվում է Սայաթ-Նովա 12 հասցեում, այն աշխատելու է առանց հանգստյան օրերի:

Այս կենտրոնն առաջինն է իր տեսակի մեջ. տարածքն այստեղ կազմակերպված է այնպես, որ գրավիչ և հանգիստ միջավայրում հաճախորդը կարողանա լիովին վայելել ընկերության ծառայություններին ու առաջարկվող տեսականուն ծանոթանալու, ինչպես նաև փորձարկելու ողջ ընթացքը:

Նորաբաց սպասարկման կենտրոնում ներկայացված է ընկերության ծառայությունների ամբողջ տեսականին` միջազգային ռոումինգ, հետվճարային և կանխավճարային փաթեթները` համապատասխան սակագնային պլաններով, տարբեր արժեքի վերալիցքավորման քարտերը, ինչպես նաև վճարումների ընդունման, հեռախոսահամարի ընտրության ծառայությունները, տվյալների փոխանակման սակագնային պլանները` 3G մոդեմների և Wi-Fi երթուղիչների ընտրության հնարավորությամբ, ամենաբազմազան հեռախոսներ և աքսեսուարներ:

«Սպասարկման որակը բիզնեսի ամենակարևոր մրցակցային առավելությունն է, և նորարարական միջավայրով և ժամանակակից տեխնոլոգիական լուծումներով հագեցած այս նորաբաց սպասարկման կենտրոնը Հայաստանում որակի նոր չափանիշ է սահմանում հաճախորդների սպասարկման ոլորտում», - ընկերության մամուլի ծառայությունից մեջբերեցին VivaCell-MTS-ի գլխավոր տնօրեն Ռալֆ Յիրիկյանի խոսքերը:

VivaCell-MTS ընկերությունն ունի սպասարկման ամենալայն ցանցը` սպասարկման 105 կենտրոն:

VivaCell-MTS-ը գործում է հայկական շուկայում 2005 թ.-ից: VivaCell-MTS-ի բաժնետոմսերի 80 տոկոսը պատկանում է Ռուսաստանում և ԱՊՀ երկրներում բջջային կապի խոշորագույն օպերատոր «Բջջային հեռահամակարգեր» (ՄՏՍ) ԲԲԸ-ին, մնացած 20 տոկոսը պատկանում է Fattouch Group լիբանանյան ներդրումային խմբին:-0-

17:48 06.05.2011





 

« Դեկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×