«ԱրմենՏել»-ն առաջարկում է ֆիքսված ցանցին միանալու շահավետ պայմաններ
ԵՐԵՎԱՆ 19 մայիսի. /ԱՌԿԱ/. «ԱրմենՏել» ՓԲԸ (ապրանքանիշը Beeline) հայտարարում է ֆիքսված հեռախոսակապին միանալու նոր հնարավորության մասին: Մինչև 2011 թ. դեկտեմբերի 31-ը Beeline ֆիքսված հեռախոսագիծ տեղադրել ցանկացող ֆիզիկական կամ իրավաբանական անձիք կարող են միացման վարձը վճարել 12 ամսվա ընթացքում` հավասար մասերով:
«Լարային ենթակառուցվածքում իրականացրած զգալի ներդրումների շնորհիվ «ԱրմենՏել» ընկերությունն ավարտում է Երևան քաղաքի թվայնացումը, ավելացնում շրջաններում թվային ԱՀԿ-ների քանակը: Մեր նոր առաջարկն ավելի մատչելի կդարձնի քաղաքային հեռախոսակապի և լայնաշերտ ինտերնետ-հասանելիության ծառայությունները` Հայաստանի ինտերնետ-կապի առաջատար օպերատորից», - ասաց «ԱրմենՏել» ՓԲԸ Գլխավոր տնօրեն Իգոր Կլիմկոն:
Beeline ֆիքսված հեռախոսային ցանցին միացման վճարը կազմում է 12000 դրամ ֆիզիկական անձանց համար և 14400 դրամ` իրավաբանական անձանց համար: Փուլային վճարման տարբերակից կարող են օգտվել Երևանի և բոլոր մարզերի բնակիչները:
«ԱրմենՏել» ՓԲԸ-ն (Beeline ապրանքանիշ) «ՎիմպելԿոմ Լթդ»-ի մաս է կազմում: Մատուցում է ֆիքսված և բջջային կապի ծառայություններ, ինչպես նաև Ինտրենետի հասանելություն է ապահովում:--0-
Ծանոթացեք լուրերին առաջինն ու քննարկեք դրանք մեր Telegram-ում
18:02 19.05.2011