HTC Flyer պլանշետային համակարգիչ կհայտնվի Հայաստանում առաջին անգամ բացառապես VivaCell-MTS-ի սպասարկման կենտրոններում

ԵՐԵՎԱՆ, 8 հուլիսի.  /ԱՌԿԱ/. HTC Flyer պլանշետային համակարգիչ կհայտնվի Հայաստանում առաջին անգամ բացառապես VivaCell-MTS-ի սպասարկման կենտրոններում, հաղորդում է ընկերության մամուլի ծառայությունը։

HTC Flyer-ը գրպանի պլանշետային համակարգիչ է` 7 դյույմանոց էկրանով և լայն հնարավորություններով ստիլուս բռնակով։ HTC Flyer-ը վերահսկում է  թվային փաստաթղթերի ստորագրումը՝ սկսած վրձնի մեկ հարվածով գլուխգործոցներ ստեղծելուց մինչև մուլտիմեդիա նշումները։ Իսկ մեկ հպումով տեսանյութերի գործարկման հնարավորության շնորհիվ HTC Flyer-ը յուրաքանչյուր պահ դարձնում է անկրկնելի:
 
«Պլանշետային համակարգիչն արժե 370 000 դրամ: Ձեռք բերելով այն` կարող եք մասնակցել «Սմարթ բոնուս» ծրագրին և ստանալ 185 000 դրամ բոնուս:  Իսկ ՎիվաՍել-ՄՏՍ-ի և «Յունիբանկի» համագործակցության շրջանակներում այն կարելի է ձեռք բերել նաև ապառիկ»,- նշվում է հաղորդագրությունում։

12 ամսվա ժամկետով ամսական կանխավճարի չափը կազմում է 33 922 դրամ, 18 ամսվա ժամկետով՝ 23 608 դրամ և 24 ամսվանը՝ 18 472 դրամ։

«Լրացուցիչ տեղեկությունների համար կարելի է այցելել www.vivacell.am վեբ կայքը, զանգահարել անվճար 111 համարին, կապվել մեզ հետ «111 օնլայն» պորտալի միջոցով կամ դիմել ողջ Հայաստանում գտնվող մեր սպասարկման կենտրոններ»,- նշվում է հաղորդագրությունում։

VivaCell-MTS-ը գործում է հայկական շուկայում 2005 թ.-ից: VivaCell-MTS-ի բաժնետոմսերի 80 տոկոսը պատկանում է Ռուսաստանում և ԱՊՀ երկրներում բջջային կապի խոշորագույն օպերատոր «Բջջային հեռահամակարգեր» (ՄՏՍ) ԲԲԸ-ին, մնացած 20 տոկոսը պատկանում է Fattouch Group լիբանանյան ներդրումային խմբին:-0-

Ծանոթացեք լուրերին առաջինն ու քննարկեք դրանք մեր Telegram-ում

20:36 08.07.2011