Երեվանում գործակվել է AdNet.am առաջին միասնական գովազդային ցանցը
ԵՐԵՎԱՆ, 30 սեպտեմբերի. /ԱՌԿԱ/. Երևանում գործակվել է AdNet.am առաջին միասնական գովազդային ցանցը:
«AdNet.am գովազդային ցանցի հիմնական նպատակը մեկ ընդհանուր գովազդային ցանցում բացառապես որակյալ հայկական Ինտերնետ-ռեսուրսների միավորումն է՝ Ինտերնետ գովազդի առավել արդյունավետ ձևաչափերի օգտագործմամբ», - ուրբաթ ռեսուրսի շնորհանդեսի ընթացքում լրագրողներին ասաց AdNet.am նախագծի ղեկավար Արմեն Մարտիրոսյանը:
Գովազդի կառավարման միասնական համակարգի՝ AdNet.am ցանցի տեխնիկական գործարկումը տեղի է ունեցել հունիսի 20-ին, և այսօր այն արդեն 12 գործընկեր ունի, որոնք հայկական ինտերնետի զգալի մասի ընդգրկում են ապահովում: Նաև բանակցություններ են տարվում մի քանի առաջատար ինտերնետ-հարթակների հետ՝ դրանց նոր գովազդային ցանցին միացնելու համար:
«AdNet.am-ի լսարանի միջին օրական ընդգրկումը կազմում է 30 հազար օգտվող, շաբաթվա կտրվածքով՝ 100 հազար, իսկ ամսական՝ 200 հազար օգտվող: Հատկանշական է, որ լսարանի հիմնական մասը հայ օգտվողներն են», - ասել է Մարտիրոսյանը:
Նրա խոսքերով՝ մինչև տարեվերջ ծրագրվում է կրկնակի ավելացնել ցանցի լսարանի ընդգրկումը, ինչն իր հերթին AdNet.am գովազդային ցանցը հայկական ինտերնետում երրորդը կդարձնի Odnoklassniki.ru и Facebook.com սոցիալական ցանցերից հետո:
Նա նաև նշեց, որ AdNet.am ցանցի թարգեթինգի, վերլուծության և հաշվետվությունների գործիքները նախատեսված են Ինտերնետում արդյունավետ գովազդային արշավի ծրագրման և կազմակերպման համար, ինչը հնարավորություն է տալիս գովազդատուին ներկայացնել իր արտադրանքը և ծառայությունը Ինտերնետի հայկական հատվածի լսարանին։
Նրա խոսքերով՝ ցանցը տրամադրում է թարգեթինգի ճկուն գործիքներ, ավելի քան 10 տեսակի հաշվետվություններ ստանալու հնարավորություն, նպատակային լսարանի սեգմենտացիա, գովազդային բյուջեների կրճատում: Բացի այդ, ցանցում կատարվում է թարգեթինգ՝ ըստ աշխարհագրական դիրքի, բացառիկ այցելուների քանակի և անցումների, ինչպես նաև՝ վարքագծային և այլ թարգեթինգ:
«AdNet.am ցանցում գովազդի կառավարման համակարգը թույլ է տալիս հնարավոր ֆոկուսավորումների և գործիքների մեծ ընտրանի օգտագործել գովազդային արշավների արդյունավետ անցկացման համար», - ասել է Մարտիրոսյանը՝ ընդգծելով, որ ցանցը բաղկացած է միայն որակյալ կոնտենտային կայքերից և ինտերնետ ծառայություններից:
Նրա խոսքերով՝ յուրաքանչյուր թեկնածու խիստ մոդերացիա է անցնում ինչպես ցանցի հետ աշխատելուց առաջ, այնպես էլ ցանցի շրջանակներում աշխատելու ժամանակ։
All Media» ՓԲԸ-ն ստեղծվել է 2010թ.-ին Հայաստանի ինտերնետային նախագծերում վենչուրային ներդրումներ իրականացնելու նպատակով: «All Media» ՓԲԸ-ն 2010 թվականի նոյեմբերի 30-ին գործարկել էր Հայաստանում առաջին նորությունների ագրեգատոր www.mediagid.am-ը: «All Media» ՓԲԸ-ի հետաքրքրությունների ոլորտում են նաև ինտերնետ-մարքեթինգը, ինտերնետ-գովազդը, PR-ը ինտերնետում, կայքերի մշակումն ու առաջմղումը, կոնտեքստային գովազդը, կայքերի աուդիտը, քոնսալթինգը:-0-
Ծանոթացեք լուրերին առաջինն ու քննարկեք դրանք մեր Telegram-ում
20:52 30.09.2011