ՀՀ սփյուռքի նախարարությունը մտահոգված է, թե ինչպես են հայկական հեռուստալիքները ներկայացնում սփյուռքահայերին

ՀՀ սփյուռքի նախարարությունը մտահոգված է, թե ինչպես են հայկական հեռուստալիքները ներկայացնում սփյուռքահայերին

ԵՐԵՎԱՆ, 19 փետրվարի. /ԱՌԿԱ/. ՀՀ սփյուռքի նախարարությունը հայտարարություն է տարածել, որտեղ մահոգություն է հայտնում, թե ինչպես են հայկական հեռուստաալիքները ներկայացնում սփյուռքահայերի կերպարը։

«ՀՀ սփյուռքի նախարարությունը կիսում է վերջերս մամուլում հրապարակված այն մտահոգությունը, որ հայաստանյան եթերից սփյուռքահայի կերպարը երբեմն ներկայացվում է ոչ պատշաճ` ձևավորելով ոչ դրական կարծիք:», - ասվում է ՀՀ սփյուռքի նախարարության մամուլի ծառայությունից «ԱՌԿԱ» գործակալություն ստացված հայտարարության մեջ։

Փաստաթղթում նշվում է, որ սա կարող է անջրպետ դառնալ հայաստանցու և սփյուռքահայի միջև: «Նման մոտեցումն առաջացնում է ինչպես հայաստանյան, այնպես էլ սփյուռաքահայ հանդիսատեսի դժգոհությունը», -  նշվում է հայտարարության մեջ։

ՀՀ սփյուռքի նախարարությունից հիշեցրին, որ գաղթօջախներում բնակվող յուրաքանչյուր հայի համար Հայրենիքի հետ անմիջական կապն ու կարոտի սփոփանքն այսօր հիմնականում հայկական հեռուստատեսիլի հաղորդումներն են։

«Եթերի ուժն անժխտելի է և յուրաքանչյուր անհարկի արտահայտություն կարող է անդառնալի վնաս հասցնել Հայրենիք-Սփյուռք գործակցությանը, մեր ազգի համախմբվածությանն ու միասնությանը», - նշվում է հայտարարության մեջ։

ՀՀ սփյուռքի նախարարությունը կոչ է անում բոլոր հայկական ալիքներիյն՝ լինել աչալուրջ։ «Ցանկալի է, որ հեռուստաեթերից հնչեցվող յուրաքանչյուր տեսակետ նպաստի հայրենասիրության, ազգահավաքի և հայոց անկախ պետականության շուրջ հայերի համախմբմանը, օգնի հաղթահարելու մեր միջև եղած հոգեբանական բարդույթները», - ասվում է հայտարարության մեջ։

Փաստաթղթում նաև նշվում է, որ ՀՀ սփյուռքի նախարարությունը նախաձեռնել է «Կայացած սփյուռքահայերը» հեռուստահաղորդումների շարք, և առաջինը նվիրված էր հայտնի բարերար Ռալֆ Յիրիկյանին, որն արդեն սփռվել է Հանրային հեռուստաալիքով, կան դրական արձագանքներ: -0-

 

18:33 19.02.2009





 

« Դեկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×