«ՀԱՅՓՈՍՏ» ԸՆԿԵՐՈՒԹՅՈՒՆԸ ՇՐՋԱՆԱՌՈՒԹՅԱՆ ՄԵՋ Է ԴՆՈՒՄ ԱԶԳԱՅԻՆ ՀԵՐՈՍ ՄՈՆԹԵ ՄԵԼՔՈՆՅԱՆԻՆ ՆՎԻՐՎԱԾ ՆԱՄԱԿԱՆԻՇՈՎ ԲԱՑԻԿԸ

«ՀԱՅՓՈՍՏ» ԸՆԿԵՐՈՒԹՅՈՒՆԸ ՇՐՋԱՆԱՌՈՒԹՅԱՆ ՄԵՋ Է ԴՆՈՒՄ  ԱԶԳԱՅԻՆ ՀԵՐՈՍ ՄՈՆԹԵ ՄԵԼՔՈՆՅԱՆԻՆ ՆՎԻՐՎԱԾ ՆԱՄԱԿԱՆԻՇՈՎ ԲԱՑԻԿԸ

ԵՐԵՎԱՆ, 27 փետրվարի. /ԱՌԿԱ/. Հայաստանի փոստային կապի ազգային օպերատոր «Հայփոստ» ընկերությունը փետրվարի 27-ից փոստային շրջանառության մեջ է դնում Հայաստանի և Ղարաբաղի ազգային հերոս Մոնթե Մելքոնյանին նվիրված նամականիշով միակողմանի բացիկը, ուրբաթ «ԱՌԿԱ» գործակալությանը հայտնեցին ընկերության մամուլի ծառայությունից:

Հարություն Սամուելյանի հեղինակած բացիկը բազմագույն է, չափսը` 148/104 մմ, անվանագինը` 240 դրամ, տպաքանակը` 1200:

Այն կարելի է ձեռք բերել Հայփոստի փոստային բաժանմունքներից:

Մոնթե Մելքոնյանը ծնվել է 1957թ. նոյեմբերի 25-ին Վարսելիա քաղաքում, Ֆրեզնոյի մոտ (Կալիֆորնիա, ԱՄՆ)։ 1969թ. Մոնթեի ընտանիքը տեղափոխվել է Իսպանիա։ Վերադառնալով ԱՄՆ՝ նա ընդունվել է Բերկլիի համալսարան՝ «Հնեաբանություն» և «Ասիայի պատմությունը» մասնագիտությամբ։ 1975թ. նրան ուղարկել են Իրանի և Լիբանանի հայկական դպրոցներում դասավանդելու։ Տիրապետում էր յոթ լեզուների, ուներ պատմական գիտությունների թեկնածուի աստիճան։

Մոնթեն մասնակցել է Լիբանանի քաղաքացիական պատերազմին՝ աջ-քրիստոնեական խմբավորումների կողմից (70-ական թթ. վերջ – 80-ական թթ. սկիզբ), իսրայելական զորքերի դեմ մղված մարտերում (1982թ.)։ 1980թ. գարնանը մտել է Հայաստանի ազատագրման հայկական գաղտնի բանակի (ASALA) կազմի մեջ։ 1991թ.-ից մասնակցել է Ղարաբաղի ազատագրական պայքարին և սպանվել 1993թ. հունիսի 12-ին։

Մոնթե Մելքոնյանը ամենավառ, տաղանդավոր և փորձառու հրամանատարներից մեկն էր։ ԼՂՀ-ի պաշտպանության կազմակերպման գործում ունեցած բացառիկ ավանդի, խիզախության և անձնական քաջության համար հետմահու արժանացել է ԼՂՀ բարձրագույն կոչմանը՝ «Արցախի հերոս», դառնալով «Ոսկե արծիվ» պարգևի  ասպետ։--0—

00:11 28.02.2009





 

« Օգոստոս 2017

Երկ
Երք
Չոր
Հնգ
Ուրբ
Շաբ
Կիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×