ՀՀ կառավարությունն Apple–ից անցում է կատարել հայկական արտադրության նոութբուքերի
ԵՐԵՎԱՆ, 4 հուլիսի. /ԱՌԿԱ/. Կառավարության անդամներն Apple–ից անցում են կատարել ArmTab հայկական արտադրության նոութբուքերի։
Չորեքշաբթի կառավարության նիստին վարչապետ Նիկոլ Փաշինյանը հրավիրել է գործընկերների ուշադրությունն այն բանի վրա, որ իրեց սեղաններին դրված են նոր նուոթբուքեր։
«Ինչպես բոլորտ նկատեցիք, փոխվել է կառավարության նիստերի դահլիճի համակարգչային ապահովումը։ Դա կապված է կառավարության մոտեցումների փոփոխությունների հետ, ինչի կապակցությամբ կառավարության անդամների սեղաններին դրված են հայկական արտադրության համակարգիչներ», – ասաց Փաշինյանը։
Նա հիշեցրեց, որ տեղեկատվական տեխնոլոգիաների զարգացումըկառավարության առաջնություններից մեկն է, սակայն ոչ միայն ծրագրային ապահովման, այլև կոնկրետ արտադրանքի տեսանկյունից։
Վարչապետը հույս հայտնեց, որ նման փոփոխությունները կանդրադառնան նաև այլ պետական կառույցներին, մասնավորապես, նա անհրաժեշտ համարեց ֆինանսական աջակցություն ցուցաբերել, որպեսզի ՀՀ Ազգային ժողովի պատգամավորների սեղաններին նույնպես հայկական արտադրության համակարգիչներ հայտնվեն։
«Մեր երկրի համար շատ կարևոր է ներքին արտադրության զարգացումը։ Մենք բոլորս պետք է նախապատվություն տանք հայկական արտադրությանն ու հայկական արտադրանքին։ Ինչպես տեսնում եք, նման հնարավորություն կա», – ասաց Փաշանյանը։
Նա նաև կոչ արեց քաղաքացիներին գնումներ կատարելիս նախապատվությունը տալ հայկական արտադրությանը։
«Դա և′ հաճելի է, և′ շահավետ, ինչպես նաև ավելացնում է տեղական արտադրության ու արտադրողների հնարավորությունները», – ասաց Փաշինյանը։
Technology and Science Dynamics Inc.–ը հիմնադրվել է 2013 թվականի հոկտեմբերի 11-ին և զբաղվում է հայկական առաջին դյուրակիր համակարգիչների՝ պլանշետների արտադրությամբ: Արտադրության շրջանակում արդեն կան անդրոիդ համակարգով փորձնական հավաքված պլանշետ (Armtab) և առաջին հայկական հեռախոս (Armphone): Պլանշետի ծրագրային և սարքային ապահովման դիզայնն իրականացվում է Հայաստանում, իսկ հավաքումը` ԱՄՆ-ում և Հոնկոնգում: -0-
Ծանոթացեք լուրերին առաջինն ու քննարկեք դրանք մեր Telegram-ում
15:52 04.07.2018