Ադրբեջանցի հակերները գրոհներ են կազմակերպում հայկական էլեկտրոնային փոստերի վրա

ԵՐԵՎԱՆ, 14 հունիսի. /ԱՌԿԱ/. Ադրբեջանցի հակերները գրոհներ են կազմակերպում հայկական էլեկտրոնային փոստերի վրա, իր կայքում հաղորդել է տեղեկատվական անվտանգության փորձագետ Սամվել Մարտիրոսյանը։

Վերջին օրերի ընթացքում հայ օգտատերերը սկսել են ստանալ էլեկտրոնային նամակներ, որոնցում նշվում է, թե էլեկտրոնային փոստի ղեկավարությունն իբր կջնջի կամ կարգելափակի օգտատիրոջ e-mail–ը։ Նամակում, մասնավորապես, նշվում է, որ փոստի արգելափակումը կանխելու համար օգտատերը պետք է անցնի նամակում նշված հղումով և հաստատի, որ այդ էլեկտրոնային փոստը պատկանում է հենց իրեն` մուտքագրելով ծածկագիրն ու հեռախոսահամարը։

Օգտատերերը, մասնավորապես, ստանում է հետևյալ բովանդակությամբ նամակներ.

Hello [email protected],
We have processed suspension of your email. due to mail violation and policy abuse noticed. Click HERE to confirm ownership and verify [email protected] NOTE: Failure to oblige will lead to mail malfunction, loss of files and final De-activation of mail box. Best Regards, Mail Team ------------------------- mail sent to: [email protected] | (C) 2016 Mail.

All rights reserved. NMLSR ID 399801

Մարտիրոսյանի խոսքով` հղումը տանում է դեպի հակերի պատրաստած կայքը, որն ընդհանրապես նման չէ mail.ru–ին։

Փորձագետը նշում է, որ եթե ռեսուրսն ավելի լավ մշակված լիներ, ապա այն անհնար կլիներ տարբերել իրական ռեսուրսից։ Պարզապես հարկավոր է ավելի ուշադիր լինել։

«Երբեք չի կարելի սեղմել mail-ում տրված հղմանը։ Եթե պետք է մտնել էլեկտրոնային փոստ կամ ինչ–֊որ բան հաստատել, ձեռքով հավաքեք հացեն։ Քանի որ mail–ի մեջ հաճախ լրիվ ուրիշ հասցե է տրվում, դուք հայտնվում եք ուրիշ տեղ և ձեր ձեռքով հակերներին տրամադրում եք ձեր գաղտնաբառը», – նշում է Մարտիրոսյանը։

Նա նաև հայտնում է, որ հակերական գրոհում ադրբեջանական հետք է նկատվում, ինչի մասին վկայում են այդ էջերի կոդերը, որոնցից երևում է, որ Ապշերոնում գտնվող կայքի կոմպոնենտեր են օգտագործվել։

Փորձագետը կոչ է անում օգտատերերին լինել ավելի զգոն, քանի որ միշտ չէ, որ նմանատիպ հակերական գրոհները լինում են ակնհայտ անորակ, ինչի կապակցությամբ նա խորհուրդ է տալիս չգնալ էլեկտրոնային նամակում հրապարակված հղումներով։ –0–

Ծանոթացեք լուրերին առաջինն ու քննարկեք դրանք մեր Telegram-ում

18:55 14.06.2016