ՎիվաՍել-ՄՏՍ-ը և FPWC հիմնադրամը Հորբատեղ գյուղում ներդրել են արտաքին լուսավորության էներգախնայող համակարգ
ԵՐԵՎԱՆ, 28 մարտի. /ԱՌԿԱ/. ՎիվաՍել-ՄՏՍ-ը և Վայրի բնության և մշակութային արժեքների պահպանման (FPWC) հիմնադրամը «Այլընտրանքային էներգիա» նախագծի շրջանակում Վայոց Ձորի մարզի Հորբատեղ գյուղում իրականացրել են արտաքին լուսավորության նոր ենթակառուցվածքների ամբողջական կառուցում, հաղորդում է ընկերության մամուլի ծառայությունը:
Հորբատեղում տեղակայվել է 65 LED լուսարձակ՝ ամբողջությամբ լուսավորելով գյուղը՝ 2,300մ երկարությամբ տարածություն։ Էներգախնայող նորակառույց համակարգը գործարկվել է առաջին անգամ:
«Քաղաքակիրթ և հեռատես աշխարհը ձգտում է նվազագույնի հասցնել սպառողական մոտեցումը: Դա, թերևս, աղքատությունը կրճատելու, մարդկանց կյանքը բարելավելու ամենակարճ և արդյունավետ ճանապարհն է», - ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Բնապահպանական և էներգախնայող LED լուսարձակների շահագործումը 80 տոկոսով կնվազեցնի էներգիայի ծախսը՝ թեթևացնելով գյուղի ֆինանսական բեռը:
Լուսարձակներն ամռանը գյուղի փողոցները կլուսավորեն 21:00-ից մինչև 00:00, իսկ ձմռանը՝ 18:00-ից մինչև 23:00: Տոնական օրերին լուսավորություն կապահովվի ամբողջ գիշեր:
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-
Ծանոթացեք լուրերին առաջինն ու քննարկեք դրանք մեր Telegram-ում
23:09 28.03.2017