Անվճար պանիր միայն թակարդում. ավիատոմսեր տարածող վիրուսը խաբեց նաև հայ օգտատերերին
ԵՐԵՎԱՆ, 6 հունիսի./ԱՌԿԱ/. Վերջին երկու օրերին հայկական սոցցանցերում նոր վիրուս է ակտիվացել: Կեղծարարները հայտնի ավիաընկերությունների անունից առաջարկում են «փորձել բախտը» և տոմս շահել միայն այդ տեղեկությունը տարածելու համար։
Տեղեկատվական անվտանգության փորձագետ Սիփան Վարդանյանը «ԱՌԿԱ» գործակալությանը պատմել է այն մասին, թե ինչ է իրենից ներկայացնում նոր վիրուսը և ինչպես պայքարել դրա դեմ։
«Օգտատերերին խաբում են, օգտագործելով ավիաընկերությունների կեղծ էջեր, որոնք իբր խաղարկում են անվճար ավիատոմսեր: Դրա համար պետք է «թեստ» անցնել: Բնական է, որ այն հավաքում անձնական տվյալներ է հավաքում և հաշիվներից գումար է գողանում»,-ասաց Վարդանյանը:
Անցնելով ներկայացված հղումով` զոհը վարակում է իր սարքը վիրուսով, այնուհետև գրանցվելով որպես Facebook-ի օգտատեր` կեղծարարներին է փոխանցում իր անձնական տվյալները, ինչպես նաև վնասակար հղում է փոխանցում իր կոնտակտներին, վերջում էլ` իր էջում տարածում հղումը:
Արդյունքում, կեղծարարները կարող են սարքի հետ անել, ինչ ուզեն. «դատարկել» օգտատերերի և ընկերությունների առցանց հաշիվները, եթե օգտագործվել է աշխատանքային համակարգիչը, գողանալ ինտիմ բնույթի տեղեկատվություն, միացնել սարքը ցանցին, որն օգտագործվում է DdoS գրոհներ կազմակերպելու և սպամեր ուղարկելու համար, օգտագործել համակարգիչը արգելված տեղեկատվություն պահելու և կիբերհացագործություններ թաքցնելու համար:
Ինչպես նշում է Վարդանյանը, ցանցում անհատական անվտանգության համար կա մի քանի կանոն, որոնց հետևելով` կարելի է խուսափել վիրուսներից։
Առաջին հերթին, նրա խոսքով, պետք է միշտ ստուգել կայքի URL-ն, հատկապես, եթե դրանք այնպիսի հայտնի ընկերություններ են, ինչպիսին, օրինակ, «Աէրոֆլոտն» է, որն իբր ակցիա էր իրականացնում:
«Մի' խաբվեք և Facebook-ում մի' անցեք ամեն տեսակի թեստեր, ինչպես օրինակ «Իմացեք, թե ինչպես ձեզ կկոչեին Մարվելի տիեզերքում», քանի որ բացի այն, որ դրանք պահանջում են անձնական տվյալների նկատմամբ հասանելիություն, դրանք նաև բավականին պրիմիտիվ և պարզունակ են: Երբեմն դրանց տրամաբանությունն այնքան տարրական է, որ նման «թեստ» կարող է գրել ցանկացած երեխա»,-ընդգծեց նա:
Փորձագետնը նաև խորհուրդ է տալիս որոշել սեփական ռիսկերը կիբերտարածությունում: Մասնավորապես, ձեզ թույլ մի' տվեք ավելորդ գործողություններ անհասկանալի կայքերում, եթե այդ նույն համակարգչից ինտերնետ-բանկինգի, PayPall-ի կամ այլ վճարային համակարգերի հասանելիություն ունեք։
Բացի այդ, անհարժեշտ է ժամանակին թարմացնել համակարգչի բոլոր ծրագրային ապահովումները, այդ թվում` օպերացիոն համակարգն ու հակավիրուսային ծրագրերը:
«Երբեք մի' տեղադրեք բրաուզերի համար նախատեսված «լրացումներ», դրանով դուք կարող եք չարամիտներին հասանելիություն տրամադրել ձեր համակարգչի նկատմամբ», – նշեց Վարդանյանը։–0–
Ծանոթացեք լուրերին առաջինն ու քննարկեք դրանք մեր Telegram-ում
17:00 06.06.2017
