Facebook-ը քննարկում է ԶԼՄ կոնտենտի հասանելիությունը վճարովի դարձնելու հարցը
ԵՐԵՎԱՆ, 21 հուլիսի. /ԱՌԿԱ/. Facebook սոցիալական կայքը քննարկում է զանգվածային լրատվական միջոցների կոնտենտի հասանելիությունը վճարովի դարձնելը։
Ведомости–ի հաղորդմամբ, Facebook–ի լրատվական գործընկերության ղեկավար Կեմփբել Բրաունը տեղեկացրել է, որ Facebook–ը ծրագրում է կոնտենի վճարովի հասանելիության ծառայությւոն գործարկել։
«Սա այն խնդրանքներից մեկն է, որ լսել ենք շատ թերթերից և ինտերնետ–պարբերականներից, նրանք ուզում են ստանալ վճարովի պրոդուկտ և Facebook–ի վճարովի ծառայություն,– Digital Publishing Innovation Summit համաժողովի ժամանակ ասել է Բրաունը` ընդգծելով, որ հիմա իրենք դա անում են։ – Մենք թողարկում ենք բաժանորդագրությամբ տրամադրվող պրոդուկտ»։
Նախորդ տարի Facebook–ը և Google–ն ինտերնետում գովազդից վաստակել են 73 մլրդ դոլար, դա ԱՄՆ–ի ողջ գովազդային շուկայի 70%–ն է, եկամուտները հաշվել է Pew Research Center–ը։ Գովազդի վաճառքից ամերիկացի հրտարակիչների եկամուտները անցած տարի կազմել են 18 մլրդ դոլար։
Ամերիկացի հրատարակիչներն անհանգստացած են, որ ինտերնետ ընտրությունների եկամուտերն աճում են` այդ թվում նաև ավանդական ԶԼՄ կոնտենտի հաշվին, ավելի վաղ այս մասին գրել էր The Wall Street Journal–ը։ Լրատվական մեդիաների Ամերիկյան Ալյանսը դիմել է ԱՄՆ կոնգրեսին` ինտերնետ –ինդուստրիայի հետ հավաքական բանակցություններ վարելու թույլտվություն տալու խնդրանքով։ ԱՄՆ–ի հակամոնոպոլային օրենսդրությունը սահմանափակում է նման համաձայնագրերի հնարավորությունը։
Facebook–ը դեմ չէ հրատարակիչների միավորմանը, սակայն գերադասում է պարբերականների հետ աշխատել անհատական մոտեցմամբ, ասել է Բրաունը։
Սոցիալական ցանցը սկսել է դիտարկել վճարովի բաժանորդագրություն ներդրման հնարավորությունը Facebook–ում կեղծ ինտերնետային լուրերի առատության շուրջ սկանդալից հետո։ Հենց այդ ժամանակ է Facebook- ը վարձել NBC News-ի նախկին լրագրողին` քաղաքական սկանդալից խուսափելու համար: «Մենք գերադասում ենք աշխատել պարբերականների հետ, ոչ թե խանգարել նրանց հետ գործընկերությանը», - ասել է Բրաունը: -0-
Ծանոթացեք լուրերին առաջինն ու քննարկեք դրանք մեր Telegram-ում
14:23 21.07.2017