Կասպերսկին արժանացել է Հայաստանի պետական ճարտարագիտական համալսարանի ոսկե մեդալին
ԵՐԵՎԱՆ, 17 նոյեմբերի. /ԱՌԿԱ/. Հայտնի ռուս ծրագրավորող, տեղեկատվական անվտանգության առաջատար մասնագետ Եվգենի Կասպերսկուն Հայաստանի պետական ճարտարագիտական համալսարանի ոսկե մեդալ է շնորհվել։
«Համալսարանի գիտական խորհուրդը միաձայն որոշեց Հայաստանի պետական ճարտարագիտական համալսարանի ոսկե հուշամեդալ հանձնել «Կասպերսկու լաբորատորիայի» գլխավոր տնօրեն, համալսարանի պատվավոր դոկտոր Եվգենի Կասպերսկուն տեղեկատվական անվտանգության ոլորտում կատարած մեծ ներդրման և մեր բուհի հետ արդյունավետ ու երկարատև համագործակցության համար», – նշել է բուհի ռեկտոր Ոստանիկ Մարուխյանը:
Կասպերսկին իր հերթին շնորհակալություն է հայտնել և նշել, որ իր համար այս ամենն անսպասելի էր։
«Երբեմն ինձ բավականին անհարմար եմ զգում, քանի որ համակարգչային անվտանգությամբ զբաղվող մարդու մասնագիտությունն առաջընթացի շարժիչ ուժ չէ։ Սա մեծ սերվիսային աշխատանք է, որը համակարգչային աշխարհն ավելի մաքուր է դարձնում», – ընդգծել է Կասպերսկին։
Նա ավելացրել է, որ սկզբում հարկավոր էր այս աշխարհը ստեղծել այնպես, որ այն չդառնա ավելի կեղտոտ։
«Ցավոք, իրականությունն այնպիսին է, որ մենք ապրում ենք համակարգչային տեխնոլոգիաների դարաշրջանում, դրանք մեզ շրջապատում են, և, ցավոք, ավելի շատ չարագործներ են փորձում փչացնել այդ համակարգչային աշխարհը», – նշել է Կասպերսկին։
Եվգենի Կասպերսկին ռուս ծրագրավորող է, տեղեկատվական անվտանգության մասնագետ, «Կասպերսկու լաբորատորիա» ՓԲԸ–ի առաջատար մշակող և խոշորագույն բաժնետեր։ 2007 թվականից ընկերության գլխավոր տնօրենն է։ Ռուսաստանի պետական մրցանակի 2008 թվականի դափնեկիր գիտության և տեխնելեգիաների բնագավառում։ Մամուլում բնութագրվում է որպես «համակարգչային հանցավորության սպառնալիք»։-0-
Ծանոթացեք լուրերին առաջինն ու քննարկեք դրանք մեր Telegram-ում
13:37 17.11.2015