Աշխարհում նշվում է SMS-հաղորդագրության 20-ամյակը

ԵՐԵՎԱՆ, 3 դեկտեմբերի. /ԱՌԿԱ/. Դեկտեմբերի 3-ին նշվում է 20 տարին` առաջին SMS-հաղորդագրությունն ուղարկելու օրվանից. 1992թ.-ին բրիտանական հեռահաղորդակցական ընկերության աշխատակից Նիլ Պեպուորթը նախօրոք շնորհավորեց գործընկերոջը Ծննդյան տոների առթիվ, գրում է http://www.bbc.co.uk-ը:

Այդ պահից աշխարհում մի քանի տրիլիոն կարճ տեքստային հաղորդագրություն է ուղարկվել:

Վերջին շրջանում SMS-ների մրցակից են դառնում հաղորդագրությունների նոր տեսակները:  Սմարթֆոնների համար նախատեսված հավելվածները թույլ են տալիս բաժանորդներին անվճար նամակագրություն կատարել, ինչը փոքր-ինչ նվազեցրել է «հոբելյարի» ծառայության ճանաչվածությունն այնպիսի երկրներում, ինչպիսին է Մեծ Բրիտանիան և ԱՄՆ-ն: -0-

Ծանոթացեք լուրերին առաջինն ու քննարկեք դրանք մեր Telegram-ում

12:29 03.12.2012