UcomPremier բաժանորդն Ֆրանսիայում «Open de France» գոլֆի առաջնությունը դիտելու հնարավորություն ստացավ
ԵՐԵՎԱՆ, հունիսի 19. /ԱՌԿԱ/. Մայիսի 27-ից հունիսի 18-ը Ucom ընկերությունն «Արարատ» գոլֆ ակումբի հետ համատեղ հատուկ UcomPremier բաժանորդների համար կազմակերպել էր Գոլֆի առաջնություն:
Ucom ընկերության մամուլի հաղորդագրության համաձայն, հաղթող է ճանաչվել Դավիթ Օհանյանը, ով հնարավորություն է ստացել ներկա գտնվելու հունիսի 29-ից հուլիսի 2-ը Ֆրանսիայում կայանալիք «Open de France» գոլֆի միջազգային հեղինակավոր մրցաշարին:
«Շնորհակալ եմ Ucom-ին այս մրցանակի համար: Ընդամենը 6-7 պարապմունքից հետո եկա ուժերս փորձելու, ու ամեն ինչ ստացվեց: Ֆրանսիա առաջին անգամ եմ մեկնելու», - ասել է Ucom ընկերության հաղթանակած Premier բաժանորդ Դավիթ Օհանյանը:
Կիսաեզրափակիչ փուլ անցած 11 UcomPremier բաժանորդներ յուրաքանչյուր շաբաթ-կիրակի մարզվել են եզրափակչում պատվով հանդես գալու համար, իսկ եզրափակիչ խաղն ստիպել է բոլոր մասնակիցներին ևս մեկ անգամ լարել բոլոր ուժերը, վերհիշել սովորածը, գործադրել բոլոր ջանքերն ու ցուցադրել գոլֆ խաղալու հմտությունները:
«Այս մրցաշարը երախտագիտության դրսևորում է մեր Premier բաժանորդների համդեպ, ովքեր համապատասխանում են որոշակի չափանիշների ու 12 ամիս անընդմեջ օգտվում են մեր շարժական կապի ծառայություններից», - ասել է Ucom ընկերության կոմերցիոն տնօրեն Արամ Բարսեղյանը:
Առաջին երեք տեղը զբաղեցրած մասնակիցներն «Արարատ» գոլֆ ակումբի կողմից արժանացել են մեկ ամսվա «ոսկե ամդամակցության»: Երկրորդ տեղը զբաղեցրած Ալբերտ Սարգսյանն ստացել է Huawei P10 սմարթֆոն:
«Եվս մեկ անգամ ուզում եմ հատուկ շնորհակալություն հայտնել մեր ընկերության հավատարիմ ու շատ կարևոր բաժանորդներին Ucom-ի ծառայություններից օգտվելու համար և շնորհավորում եմ հաղթողին: Կարծում եմ՝ Open de France-ը դիտելը տարբերվող ու հիշվող մրցանակ է: Այսպիսի մրցաշարերը շարունակական բնույթ կկրեն, իսկ մենք ջանք չենք խնայի մեր բաժանորդների վստահությունն ամրապնդելու համար», - ասել է Ucom ընկերության տնօրեն Հայկ Եսայանը:
Հիշեցնենք, որ UcomPremier ծրագրի նպատակն է բացառիկ ուշադրության արժանացնել ընկերության ամենահավատարիմ բաժանորդներին, ովքեր ավելի քան 12 ամիս եղել են Ucom-ի բաժանորդ` մշտապես օգտվելով ընկերության ձայնային կամ շարժական ինտերնետ ծառայություններից: UcomPremier բաժանորդներն ստանում են մի շարք առավելություններ Ucom-ի ծառայություններից, խորհրդատվությունից, սպասարկումից օգտվելու ժամանակ, ինչպես նաև օգտվում են մի շարք բացառիկ հնարավորություններից, որոնք առաջարկում են Ucom-ի գործընկեր կազմակերպությունները:
Ucom (Universal Communications) հայկական ընկերությունը հիմնադրվել է 2007 թ.: Հանդիսանալով Հայաստանյան հեռահաղորդակցային շուկայի առաջատարներից մեկը, Ucom ընկերությունը առաջարկում է այս ոլորտում ծառայությունների լիարժեք շարք՝ գերարագ սիմետրիկ ինտերնետ, IP հեռուստատեսություն և ֆիքսված թվային հեռախոսակապ: Համագործակցելով Ericsson ընկերության հետ, Ucom-ը կառուցում է նոր սերնդի ամենամեծ օպտիկամանրաթելային ցանցը Հայաստանում: -0-
Ծանոթացեք լուրերին առաջինն ու քննարկեք դրանք մեր Telegram-ում
15:51 19.06.2017